MARK 12:17 - Thuhun Thah (BSI)

¹⁷ Huin Jesu’n a dawng a a kawmvah, Kaisar silte chu Kaisar kawmah pia unla, Pathian silte chu Pathian kawmah pia un, a chi a. Huin amahun limdang a sa mahmah uhi.

MARK 12:17 Iomraidhean Croise

MATTHAI 22:21

Amahun a kawmah, Kaisar a, a chi va. Huin ama’n a kawmvah, Kaisar sil chu Kaisar kawmah pia unla, Pathian sil chu Pathian kawmah pia un, a chi a.

MATTHAI 22:22

Amahun hi thute a jah un thumah a sa mahmah va, amah a nusia va, a chiah mangta uhi.

MATTHAI 22:33

Huleh mipite’n huchu a jah un, a thuhilh chu thumah a sa mahmah uhi.

MATTHAI 22:46

Huin koima'n amah chu kam khat in zong a dawng thei sih va, hu nia kipatin koima’n thu dang mawngmawng a dong kiit ngamta sih uhi.

MATTHAI 8:10

Jesu’n hi thu a jah tahin, limdang a sa a, amah juite kawmah, Chihtahzetin ka hung hilh ahi, Israelte laha zong hichilawm a ginna lian ka mukha sih.

MARK 12:16

Huin ahung tawi va. Huleh ama’n a kawmvah, Hi koi lim leh koi min ahiai? a chi a. Huleh amahun, Kaisar a, a chi uh.

MARK 12:30

Huleh Lalpa na Pathian chu, na lungtang zousiah a, na hinna zousiah a, na lungsim zousiah a, huleh na haatna zousiah a na lungsiat diing ahi, chih ahi: hichu thupiah masapen ahi.

LUKE 20:25

Ama’n a kawmvah, Hujiahin Kaisar silte chu Kaisar kawmah pia unla, Pathian silte chu Pathian kawmah pia un, a chi a.

ROMETE 12:1

Hujiahin unaute, Pathian kawma na sapum uh kithoihna hing leh, siangthou leh, pomtaah hi diing a kilaan diingin Pathian khotuahna jiahin ka hung ngen hi, huchu na natoh diing va kilawm him ahi.

ROMETE 13:7

Hujiahin mi zousiah kawmah a tan diing lawm uh pia un; leiman piahna diingpa kawmah leiman pia unla; siah tawina diingpa kawmah siah tawi un; lau diingpa chu lau unla; zahbawl diing a umpa chu zahbawl un.

ROMETE 6:13

Na sapum hiangte uh zong dihtatlouhna vanzat diingin sual kawmah pephal sih un; ahihvangin misi laha kipana hing kiit bangin Pathian kawmah kipia unla, na sapum hiangte u’zong dihtatna vanzat diingin Pathian kawmah pe phal zaw un.

PETER I 2:17

Mi zousiah zahbawl un. Unaupihte lungsiat un. Pathian lau un. Kumpipa zahbawl un.