MARK 12:12 - Thuhun Thah (BSI)

¹² Huin hu tehkhinthu chu amahuh dem a, a soi ahi chih a heet jiahun amah chu mat a tum va, hizongleh mite a lau uhi; huchi'n amah chu a nusia va, a chiahta uhi.

MARK 12:12 Iomraidhean Croise

MATTHAI 21:26

Hizongleh mihing a kipat chilehang lah mipite i lau ngal a; mi zousiah in John chu zawlnei a, a seh jiahun, a chi va.

MATTHAI 22:22

Amahun hi thute a jah un thumah a sa mahmah va, amah a nusia va, a chiah mangta uhi.

MARK 11:18

Huleh lehkhagialtute leh siampulalte’n hichu a ja va, amah suhmang na diing lampi a hawlta uh; ajiahchu mi zousiah in a thuhilh limdang a sah jiahun amah a lauta uhi.

MARK 11:32

Hizongleh, Mihing apat chilei lah; mipite a lau ngal va, ajiahchu mi zousiah in John chu zawlnei hitahzet in a sep uh, a chi va.

LUKE 20:19

Huleh hulai mahin siampu lalte leh lehkhagialtute’n amah mat a tum va; hizongleh mipite a lau uh; ajiahchu hu tehkhinthu amahuh demna-a a soi ahi chih a he uhi.

LUKE 20:6

Huleh, Mihinga kipan ahi chi leilah mipi zousiah in suang in ahung sep diing uh; ajiahchu John hi zawlnei ahi a chiveh ngal va, a chi va.

JOHN 7:25

Huin Jerusalem mi khenkhat in, Hipa, thah a tup pa uh hilou ahiai mah?

JOHN 7:30

Huin amah mat a tum va, hizongleh a hun a tun nai louh jiahin koima’n a tungah khut a nga sih uh.

JOHN 7:44

Huleh a lahva khenkhat in amah mat a tum va, hizongleh koima’n a tungah khut a nga sih uh.