MARK 10:52 - Thuhun Thah (BSI)

⁵² Huin Jesu’n a kawmah, Chiahta in; na ginna in ahung damsahta hi, a chi a. Huin a mit ahung vaahpah a; lampi ah Jesu a juita hi.

MARK 10:52 Iomraidhean Croise

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 12:22

Huin, dawimat, mittaw haamthei lou khat a kawmah ahung pui va; ama’n ana sudam a, huchi’n haamthei lou chu hung haamthei in khua ahung muta hi.

MATTHAI 15:28

Huin Jesu’n a kawmah, Numei, na ginna thupi hina mai e; na deih bangtahin na tungah um heh, a chi a. Huchi’n a tanu chu hu hun ngei in a damta hi.

MATTHAI 21:14

Huleh Pathian biahinn ah, mittawte leh keengbaite a kawmah a hung va, ama’n amahuh chu ana sudam hi.

MATTHAI 8:3

Huin Jesu’n a khut aha a, a khoih a, Ka ut hi, siangthouta in, a chi a. Huin a phaah chu a siangthoupah ngal hi.

MATTHAI 9:22

Huin Jesu chu a kinunghei a, amahnu a mu a, Tanu, lungmuangtahin um in, na ginna in ahung damsahta hi, a chi a. Huleh hu numeinu chu hu daah apat a damta hi.

MARK 1:31

Huleh ama’n amahnu chu a khut a va tu in a phong a; huin a khosih in a nusepah a, huleh amahnu’n a nna uh a tohsah hi.

MARK 5:34

Huin ama’n amahnu kawmah, Tanu, na ginna in ahung damsahta hi; hamuangtah in chiah inla, na natna kipanin damta in, a chi a.

MARK 8:25

Hunungin a mit ah a khut a koih kiit a, a mit a hahsah a; huchi'n ahung damta a, mi chinteng chu chiantahin a mu theita hi.

LUKE 7:50

Huin ama’n numeinu kawmah, Na ginna in ahung hundamta hi; hamuangtahin chiahta in, a chi hi.

LUKE 9:48

A kawmvah, Koipouh ka mina hi naupang kipaahpih chu kei hung kipaahpih ahi; huleh kei hung kipaahpih chu ahung sawlpa kipaahpih ahi; na bawnva laha neupen chu a lianpen diing hi, a chi a.

JOHN 9:32

Khovel um tuung a kipan koima’n mittaw a piang mit a suhvaahsah chih a kija ngei sih.

JOHN 9:39

Huin Jesu’n, Muthei loute’n ahung muhtheihna diing uleh, mit vaahte mit ahung tawt theihna diing in vaihawm diing in khovel ah ka hung ahi, a chi a.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.