MARK 10:23 - Thuhun Thah (BSI)

²³ Huleh Jesu’n a en kimvel a, a nungjuite kawmah, Mi hausate diingin Pathian gam a luut hahsa hina mei e! a chi a.

MARK 10:23 Iomraidhean Croise

MATTHAI 18:3

Chihtahzetin ka hung hilh ahi, Na lamleet va, naupang neute bang na hung hih louh uleh, vaan lalgam ah na luut het sih diing uh.

MARK 10:15

Chihtahzetin ka hung hilh ahi, Mi koipouh naupang neu banga Pathian gam sang lou chu, a sungah a luut het sih diing, a chi a.

MARK 10:22

Huin amahpa chu hu thu ah a maai ahung mualta a, huleh lunggim tahin a chiahmangta hi, sum tampi nei mi ahih jiahin.

MARK 3:5

Huleh ama’n a lungtang khauhdan uh poisatahin, lungthah pum a, a et kimvel nungin, hupa kawmah, Na khut zandoh in, a chi a. Huleh ama’n a zandoh a: huchi'n a langkhat bangin a damta hi.

MARK 5:32

Huleh ama’n hu sil bawlnu chu muh tum in a en kimvel a.

LUKE 18:24

Huin Jesu’n a lungkham mahmah chih a muh in, Mihausate diingin Pathian gam a luut hahsa hina mai e!

JOHN 3:5

Jesu’n a dawng a, Chihtahzetin, chihtahzetin ka hung hilh ahi, mi koipouh tui leh Hagau a, a pian louhleh Pathian gam a luut sih diing hi.

KORINTHTE I 1:26

Bang jiahin ahiai i chih leh unaute, kouh na hihna uh ngaihtuah dihvua, tahsalama mipil tampite, mihaat tampite, mi lian tampite kouh ahih louhdan uh;

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

JAKOB 4:4

Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi.

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.