LUKE 9:26 - Thuhun Thah (BSI)

²⁶ Ajiahchu keimah leh ka thute zumpih chu mihing Tapa’n a loupina toh, a Pa loupina toh, angel siangthoute loupina a ahung chiangin amah chu a zumpih diing hi.

LUKE 9:26 Iomraidhean Croise

MATTHAI 16:27

Mihing Tapa chu a Pa loupinna a angelte toh hung diing ahi ngal a; huchiangin michin a natoh bangjelin a thuh chiat diing hi.

MATTHAI 25:31

Mihing Tapa chu angel siangthou zousiah toh a loupina a, a hung chiangin amah chu a loupina laltouphah tungah a tou diing hi;

MATTHAI 26:64

Jesu’n a kawmah, Na chita hi: himahleh ka hung hilh ahi, Tunung chiangleh mihing Tapa silbawltheihna jiatlama tou leh, vaan mei tunga hung na mu diing uhi, a chi a.

MARK 8:38

Hujiahin mi koipouh tulai khang thah aangkawm haat leh giloute laha keimah leh ka thu zumpih chu mihing Tapa in zong angel siangthoute toh a Pa loupina a ahung chiangin, hu mi chu a zumpih ve diing hi, a chi hi.

JOHN 12:43

Ajiahchu amahun Pathian kipaahpiha um sangin mihingte phata um a deih zaw uhi.

JOHN 5:44

Nanguh, khat leh khat kipaahtawituahna ngaina a, Pathian chauh a kipan a hung pawt paahtawina hawl loute’n bangchi’n na gingta thei diviai?

SILBAWLTE 10:22

Huleh amahun, Pathian apata angel siangthou khat in, Kornelia, sepaih zahoutu mi dihtah, Pathian laudan siam, Judami zousiah in a soiphat, kawmah na thusoi a jahna diinga, a inn a nang kousah diingin a hilh hi, a chi va.

ROMETE 1:16

Bang jiahin ahiai i chih leh tanchinpha chu ka zumpih sih hi; ajiahchu a gingta photmah diingin hichu hutdamna diinga Pathian silbawltheihna ahi; Judate diingin ahi masa a, huleh Grikte diingin zong ahi.

KORINTHTE II 12:10

Hujiahin haat louhnate ah, suhduhdahnate ah, taahsapnate ah, sawihnate ah, hahsatnate ah Khrist jiahin ka kipaah hi; ajiahchu ka haat louh hun tahchiangin ka haat hi.

GALATIATE 6:14

Hizongleh ke’n chu i Lalpa uh Jesu Khrist kros loungal ka suang het sih diing hi; amah jiahin khovel kei diingin kilhbeh ahita a, kei khovel diingin kilhbeh ka hita hi.

TIMOTHI I 5:21

Khentuam nei a bangmah bawllou a, deihsahtuam nei lou a hi thute jui diingin, Pathian leh Lalpa Jesu Khrist leh angel teelte mitmuh ah thu ka hung pia hi.

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

TIMOTHI II 2:12

I thuaah leh amah toh vai i hawm khawm diing a; amah i kiheetmohbawl leh ama’n zong ahung kiheetmohbawl diing;

HEBRAITE 11:26

Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi.

HEBRAITE 13:13

Hujiahin amah a muhsitna uh pua in a kawmah, khogei lamah i chiahdoh diing uh.

JUDE 1:14

Huleh Enok, Adam apata sagihna pa in zong hite tungthu ana soilawh hi, Ngai un, Lalpa chu a misiangthou saang sawm toh ahung hi.

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.

THUPHUANDOH 20:11

Huleh laltouphah ngou loupitah leh a tunga toupa, a ma apata lei leh vaan a taimangnapa chu ka mu a; amahuh diingin mun mawngmawng muh in a umta sih hi.

THUPHUANDOH 21:8

Hizongleh meidawite leh, gingtaloute leh, kihdahumte leh, tualthatte leh, tohuuhte leh, bumhaatte leh, milimbete leh, zuau haatte zousiah tan diing chu mei leh kaat a kaang diil ahi a; huchu sih nihna ahi.

THUPHUANDOH 3:5

A gualzoupa chu huchimahin puan vaam silhsah ahi diing a; huleh a min chu hinna lehkhabu apat ka nawtmang sih diing, hizongleh ka Pa ma leh, a angelte ma ah a min ka gum diing hi.