LUKE 9:18 - Thuhun Thah (BSI)

¹⁸ Huleh hichi ahung hi a, amah ngena a haamtei laiin a nungjuite a kawmah a um va; ama’n a kawmvah, Mipite’n kei koi ahi ahung chi viai? chi'n a dong a.

LUKE 9:18 Iomraidhean Croise

MATTHAI 14:23

Huleh mipite chu a sawlmang zohin, haamtei diingin taang ah a tuamin a chiahtou a; huleh nitaahlam ahung hihin, huah a tangin a umta a.

MATTHAI 26:36

Huin Jesu chu amahuh toh mun khat, Gethsemani a chih uh a tung a, huleh a nungjuite kawmah, Paama ka va haamtei kalin hi-ah na tou un, a chi a.

LUKE 11:1

Huleh hichi ahung hi a, mun khata a haamtei laiin, a haamtei zohin a nungjuite khat in a kawmah, Lalpa, John in a nungjuite a hilh bangin haamtei daan hung hilh in, a chi a.

LUKE 3:21

Huleh mipi zousiah in baptisma a tan zohin hichi ahung hia, Jesu’n zong baptisma a tang a, huleh a haamtei laiin vaan ahung kihong a,

LUKE 6:12

Huleh hulaiin hichi ahung hi a, taang ah haamtei diingin a chiah a, Pathian kawmah jankhovaah in a haamtei hi.

LUKE 9:19

Amahun a dawng va, Baptistu John ahi, ahung chi uh; hizongleh khenkhat in, Elijah ahi ahung chi va, huleh a dangte’n, zawlnei malai ate laha khat hung thou kiit ahi, ahung chi uh, a chi va.

LUKE 9:28

Huleh hichi ahung hi a, hite a soi nung ni giat diing bangin ama’n Peter leh, John leh, Jakob a pui a, taang ah haamtei diingin a chiah a.

LUKE 9:29

Huleh a haamtei laiin a meel umdan chu ahung dangta a, a puansilhte chu a vaam a, a teselsulta a.