LUKE 9:1 - Thuhun Thah (BSI)

¹ Huzohin ama’n a nungjui sawmlenihte a koukhawm a, dawi zousiah tunga silbawltheihna leh thuneihna, huleh natnate suhdamtheihna a pia a.

LUKE 9:1 Iomraidhean Croise

MATTHAI 16:19

Huleh na kawmah vaan lalgam chabite ka hung pe diing a, lei a na kaan photmah chu vaan ah kaan ahi diing a, huleh lei a na phel photmah chu vaan ah phel ahi diing, a chi a.

MATTHAI 4:24

Huleh Syria gam pumpi ah a min a thangta a; huleh amahun natna chi tuamtuam a damlou zousiah leh dawi matte, sibup veite leh zengte a kawmah ahung pui va, ama’n ana sudam jel hi.

MATTHAI 8:9

Ajiahchu kei zong thuneihna nuaia um ka hi a, ka nuaiah sepaihte a um va; huleh khat kawmah, Chiah in, ka chihleh a chiah a, huleh a dang kawmah, Hung in, ka chihleh a hung a; huleh ka suaahpa kawmah, hi bawl in, ka chihleh a bawl jel hi, a chi a.

LUKE 10:1

Hi silte nungin Lalpa’n midang sawmsagih zong a guat a, amah ngei hungna diing kho chin leh mun chin ah a ma ah nih nihin a sawl a.

LUKE 10:19

Ngai un, guulte leh momaite totdeen theihna leh melma silbawltheihna zousiah tunga thuneihna ka hung pia hi; huchi'n bangmahin ahung suna het sih diing,

JOHN 14:12

Chihtahzetin, chihtahzetin, ka hung hilh ahi, Koipouh kei hung gingta inchu ka silbawlte ama’n zong a bawlve diing a, huleh hite sanga loupizaw zong a bawl diing, ka Pa kawma ka chiah diing jiahin.

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 3:16

Huleh, Amah min gin jiahin, A min in hipa na muh uleh na heet uh chu a suhaatta ahi; ahi, Amah jiaha ginna hung um in, na bawnva mitmuh in a sudam vilvelta ahi.

SILBAWLTE 4:30

Mite sudam diing a na khut jah in; Na Ta siangthou Jesu min jala chiamchihna leh silmahte bawl in, a chi va.

SILBAWLTE 9:34

Huleh, Peter in a kawmah, Ainia, Jesu Khrist in ahung sudam hi; thou inla, na puanphah jial in, a chi a. Huchi'n, amah chu a thoupah hi.