LUKE 8:28 - Thuhun Thah (BSI)

²⁸ Huleh ama’n Jesu a muh tahin, a kikou a, a ma ah a puuh a, huleh aw ngaihtahin, Jesu, Nang Pathian Tungnungpen Tapa, kei leh nangin kizopna bang i nei ei? hung sugim lou diingin ka hung ngen ahi, a chi a.

LUKE 8:28 Iomraidhean Croise

MATTHAI 8:29

Huleh, ngai in, amahun, Jesu, nang Pathian Tapa, keiuh leh nang bang ahiai kimatna i neih? hunchiam tunma a keiuh gawt diing a hitaha hung na hi maw? chi’n a kikou va.

LUKE 8:27

Huleh amah gam a a kaidoh tahin hun sawtpi dawi paai koi ahakhat in khopi apat amah ana kituaahpih a; ama’n chu puan a silh sih a, huleh inn mawngmawng a zong a um sih a, haante chauh ah a um veu hi.

LUKE 8:29

(Ajiahchu ama’n dawiniin chu mipa sunga kipan pawt diingin thu ana peta hi. Tamveipi dawiniin in amah chu a mankhata a; khainiang leh kol buhsah in a um a; huleh ama’n a kikaannate chu a phutan a, gamdaiah dawi delhmang in a um veu hi)

JAKOB 2:19

Pathian khat a um chih na gingta maw; na bawl hoih hi; dawite’n zong a gingta va, a kiliing hial uhi, a chi thei hi.

PETER II 2:4

Ajiahchu, angelte’n sil a suhsual laiun Pathian in a hawi sih a, gawtmun ah a pai a, vaihawmsaha um diingin kokhuuh mial ah a khum zaw hi;

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.

THUPHUANDOH 20:10

Huleh amahuh heemtu diabol chu, gamsa leh zawlnei tahlou umna, mei leh kaat diila paihluut in a umta a, kumtuang kumtuang in suun leh janin suhnat in a um diing hi.