LUKE 8:21 - Thuhun Thah (BSI)

²¹ Huin ama’n a dawng a, a kawmvah, Ka nu leh ka unaute chu hi Pathian thu ngaikhia a juite ahi uh, a chi hi.

LUKE 8:21 Iomraidhean Croise

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 25:40

Huleh Kumpipa in chu a dawng diing a, a kawmvah, Chihtahzetin ka hung hilh ahi, Hi ka unaute laha neupen khat tunga na bawl uh chu ka tunga bawl na hi uh, a chi diing.

MATTHAI 25:45

Huchiangin ama’n a dawng diing a, Chihtahzetin ka hung hilh ahi, Hite laha neupen khat tunga na bawl louh uh chu, ka tunga bawl lou na hi uhi, a chi diing.

MATTHAI 28:10

Huin Jesu’n a kawmvah, Lau sih un; chiah unla, ka unaute Galili gam a chiah diingin va hilh un, hu mun ah ahung mu diing uhi, a chi a.

LUKE 8:15

Hizongleh lei hoiha tute chu hichibangte ahi uh; lungtang siangthou leh hoihin thu chu a ja va, a pom va, huleh kuhkaltahin gah a suang uhi.

LUKE 8:20

Huleh, Na nu leh na unaute nang hung mu nuamin innpua ah a ding uh, chi'n a hilh uh a,

JOHN 13:17

Hi silte na heet unchu, bawl leh u’chin mi hampha na hi diing uhi.

JOHN 20:17

Jesu’n a kawmah, Hung khoih sin; ajiah chu ka Pa kawmah ka chiahtou nai sih hi. Ahihvangin ka unaute kawmah chiah inla, a kawmvah, Ka Pa, na Pa uh, huleh ka Pathian, na Pathian uh kawmah chiahtou diing ka hi chi in, a chi a.

KORINTHTE II 5:16

Huchihjiahin tukalsiah chu tahsalamah koimah ka he nawn sih uhi; ahi, tahsadan in Khrist na he zong le’ung, tuin chu ka he nawn sih uhi.

KORINTHTE II 6:18

Huleh nanguh diingin na Pa uh ka hi diing a, nanguh chu ka tapate ka tanute na hi diing uh, Lalpa silbangkim bawlthei in a chi hi.

JAKOB 1:22

Hizongleh nanguh leh nanguh kihem in, thu ngaikhetu chauh hilou in, thu juitute hi zaw un.

JOHN I 2:29

Amah chu midihtat ahi chih na heet uleh, michin dihtatna bawl photmah chu amaha piang ahi chih na he uhi.

JOHN III 1:11

Deihtah, sil gilou jui sinla, sil hoih jui zaw in. Sil hoih bawlmi chu Pathian a kuan ahi; ahihvangin sil gilou bawlmi’n chu Pathian a mu sih hi.