LUKE 8:18 - Thuhun Thah (BSI)

¹⁸ Hujiahin bangchi'n ahiai na jah uh pilvaangun; ajiahchu koi hizongleh a nei chu piahbeh ahi diing a, huleh koi hizongleh a nei lou chu neia a kingaih nasan laahsah ahi diing hi, a chi hi.

LUKE 8:18 Iomraidhean Croise

MATTHAI 13:12

Ajiahchu koipouh a nei chu piah beh ahi diing a, a hau sem diing; hizongleh koipouh a nei lou chu a neih sun zong laahsah ahi diing.

MATTHAI 25:29

Ajiahchu koipouh a nei chu piah beh ahi diing a, tampi ahung nei diing; hizongleh koipouh a nei lou chu a neih sun zong laahsah ahi diing hi.

MARK 13:14

Hizongleh zawlnei Daniel in ana soi, sumangtu kihdahum chu a din louhna diing a ding na muh chiangun, (a sim photin a umzia he heh) hu hun tah chiangin Judia gam a umte taang ah tai u’heh.

LUKE 19:26

Ajiahchu ka hung hilh ahi, A nei taphot chu piahbeh ahi diing a, huleh a nei lou chu a neihsun zong laahsah ahi diing hi.

LUKE 9:44

Hi thu kisoite na bil sungvah luut heh; ajiahchu mihing Tapa chu mite khuta matsah a um diing ahi, a chi a.

JOHN 15:2

Keimah a um ba gahlou photmah chu a paaimang veu a; a gah photmah chu a susiangthou veu hi, a gah tam sem theihna diingin.

SILBAWLTE 10:33

Hujiahin, na kawmah mi ka hung sawlpah ahi; na hung hi a hoih hi huchi'n, Pathian in na kawma ahung thupiah zousiah ja diingin, tuin Pathian mitmuh in ka bawnun hi ah ka um uhi, a chi a.

SILBAWLTE 17:11

Hu mite chu Thessalonika khua a mite sangin ana hoihzaw va, lungsim kipaahtahin thu chu a pom va, a thusoi uh chu a dih leh dihlouh heetna diingin, nichinin Pathian lehkhathu ah a hawl veu uhi.

ROMETE 12:3

Bang jiahin ahiai i chih leh ka kawma hung kipia hehpihna jalin, na lahva mi koimah in a kingaihsang diing huntawh val a kingaisang lou in, himahleh Pathian in mi chin kawma ginna a piah hun bang jel a dihtaha ngaihtuah zaw diingin ka chi ahi.

KORINTHTE I 14:37

Mi koipouh in thusoitu ahiai mah, ahihlouhleh hagaumi ahiai mah a, a kingaihtuahleh na kawmva ka thugelhte chu Lalpa thupiah ahi chih he u’heh.

KORINTHTE I 3:18

Mi koimah amah leh amah kihem sih heh. Na lahva mi koiaha hi khovel a pil a kisah leh ahung pil theihna diingin mingol hung suaah heh.

KORINTHTE I 8:2

Mi koipouh in bang aha he a, a kingaihtuah inchu a heet diing bangin a he nailou ahi.

PHILIPPITE 3:4

Tahsalamah chilei zong suan diing ka nei mei thei. Midang koiaha in tahsalama suan diing neia a kiheet inchu, ke’n ka nei sem hi.

HEBRAITE 2:1

Hujiahin i thu jahsate ah lungluuttaha phatuam i ngaih sem diing uh ahi, huchilou inchu i tolhmangsah zenzenkha diing uhi.