LUKE 7:38 - Thuhun Thah (BSI)

³⁸ A nungah a keeng bulah kapkawmin a ding a, a keengphaangte chu a mittui in a sukawt a, a sam in a siaah a, huleh a keengpeh a tawp a, thau gimtui a nuh hi.

LUKE 7:38 Iomraidhean Croise

MATTHAI 5:4

Lungngaite a hampha uhi: hamuanna um diing ahih jiahun.

LUKE 22:62

Huin Peter chu a pawtdoh a, a kap huthutta hi.

LUKE 6:21

Nanguh tu a gilkialte na hampha uh; ajiahchu vah diing na hi uhi. Nanguh tu a kapte na hampha uh; ajiahchu nui diing na hi uhi.

LUKE 7:37

Huleh ngai in, hu khua a um numei sual khat in Jesu Pharisaipa inn ah an ne in a tou chih a heetin Alabastar bawmin thau gimtui ahung tawi a,

LUKE 7:39

Huleh Pharisai amah koupa’n hikhu a muh in a lungsim in, Hipa zawlnei ahihleh hi a khoihnu koi ahiai, huleh bangchi bang mi ahiai chih he leh kilawma, amah lah misual ahi ngal a, a chi a.

JOHN 11:2

(A sanggampa Lazar china nu chu Lalpa thau namtui nuh a, a sama a keeng siaahnu Mari chu ahi).

JAKOB 4:9

Hahsa sa unla, lungdong unla, kap un; na nuihna uh lungdonna suaah henla, na nuamna uh dahna suaah heh.