LUKE 7:22 - Thuhun Thah (BSI)

²² Huleh Jesu’n a dawng a, a kawmvah, Chiahta unla, na sil muh uleh na jahte u’chu John va hilh un; bangchi banga mittawte mit hung vaahta a, keengbaite ahung paitheita a, miphaahte ahung siangthouta a, bilngongte’n ahung ja theita a, misite kaihthoh in a umta a, huleh tagahte kawmah tanchinpha soi in a umta, chih.

LUKE 7:22 Iomraidhean Croise

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 21:14

Huleh Pathian biahinn ah, mittawte leh keengbaite a kawmah a hung va, ama’n amahuh chu ana sudam hi.

LUKE 4:18

Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin,

LUKE 7:21

Huleh hulai ngei in ama’n mi tampi, damloute, hiveite, huleh dawimatte a sudam a; huleh mittaw tampite mit a suhvaahsah a.

LUKE 7:23

Huleh koipouh ka tunga lunghih louhna mu lou chu a hampha hi, a chi a.

JOHN 1:46

Huin Nathanael in a kawmah, Nazareth a kipanin sil hoih a piang thei eimah? a chi a. Philip in a kawmah, Hung en in, a chi a.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.

SILBAWLTE 8:7

Dawiniinte, aw ngaihtaha kikou a, mi tampi a matte uh sunga kipat ahung pawt va; huleh zeng leh keengbaai tamtahte zong ahung damtaah jiahun;

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?