LUKE 7:16 - Thuhun Thah (BSI)

¹⁶ Huin mi zousiah ahung lauta va, Pathian a paahtawi va; I lahah zawlnei loupitah ahung suaahta; huleh Pathian in a mite ahung vehta ahi, chih.

LUKE 7:16 Iomraidhean Croise

MATTHAI 15:31

Huchia haamtheiloute hung haama, piangsualte hung hoiha, keengbaite keeng a hung pai leh, mittawte’n hung mu theita uh, chih a muh un, mipite’n thum ah a sa va; huchi'n Israelte Pathian chu a paahtawita uhi.

MATTHAI 21:11

Huleh mipite'n, Hipa hi zawlnei Jesu, Galili gam a Nazareth khua a mi ahi, a chi uhi.

MATTHAI 28:8

Huin amahuh chu lau leh kipaah mahmah kawmin, haan apatin kintahin a chiah va; huleh a nungjuite va hilh diingin a taita va.

MATTHAI 9:8

Hizongleh mipi’n huchu a muh un, thum ah a sa va, huchibang bawltheihna mihingte kawma petu Pathian a paahtawita uhi.

LUKE 1:65

Huleh a kawmva teeng zousiahte chu ahung lauta va; huleh hi thute chu Judia gam singtaang zousiah ah a thangsuahta hi.

LUKE 1:68

Israel Lalpa Pathian chu paahtawi in um heh; ajiahchu ama’n a mite ahung kana, ahung tanta hi,

LUKE 19:44

Huleh nang leh na sunga na tate tualsaatna’n ahung nei diing va, na sungah suang khatbeeh kithuap in a nuse sih diing uh; ahung kiveh lai nite na heet louh jiahin, chi'n.

LUKE 2:20

Huleh belaampute chu amah uh kihilh bang ngeia sil zousiah a jah va a muh jiahun Pathian paahtawia phat kawmin a kiihkiitta uhi.

LUKE 24:19

Ama’n a kawmvah, Bang silte eimaw? a chi a. Huin amahun a kawmah, Nazareth Jesu, Pathian leh mi zousiah mitmuha silbawl leh thusoia zawlnei minthangtah tungtaang thu:

LUKE 5:26

Huin a bawnun limdang a sa mahmah va, Pathian a paahtawi uh; huleh, Tuni’n sil limdangtah mai i mu uhi, chi'n a lau mahmah uhi.

LUKE 5:8

Simon Peter in hikhu a muh in Jesu keengbulah a puuh a, Lalpa, hung chiahsan in; ajiahchu kei misual ka hi, a chi a.

LUKE 7:15

Huleh hu misi chu ahung toudoh a, ahung haamta hi; huin ama’n amah chu a nu kawmah a pekheta hi.

LUKE 7:39

Huleh Pharisai amah koupa’n hikhu a muh in a lungsim in, Hipa zawlnei ahihleh hi a khoihnu koi ahiai, huleh bangchi bang mi ahiai chih he leh kilawma, amah lah misual ahi ngal a, a chi a.

LUKE 8:37

Huin Gadara gam kimvela mi zousiah in a lau mahmah jiahun amah chu a kawmva kipan chiahmang diingin a ngen va; huin amah chu kuang sungah a luut a, a kiih kiitta hi.

LUKE 9:19

Amahun a dawng va, Baptistu John ahi, ahung chi uh; hizongleh khenkhat in, Elijah ahi ahung chi va, huleh a dangte’n, zawlnei malai ate laha khat hung thou kiit ahi, ahung chi uh, a chi va.

JOHN 1:21

Huin amahun, Ahihleh kua na hiai? Elijah na maw? chi'n a dong va. Ama’n, Ka hi sih, a chi a. Hu zawlnei na moleh? a chi va. Ama’n, Hilou, chi'n a dawng a.

JOHN 1:25

Huleh amah a dong va, a kawmah, Khrist lah hilou, Elijah lah hilou, huleh hu zawlnei lah hilou na hihleh bang diing a na baptis ahiai? a chi va.

JOHN 4:19

Numeinu’n a kawmah, Pu, zawlnei na hi chih ka he,

JOHN 6:14

Huin Jesu silmah bawl a muhun hu mipite’n, Tahzetin hipa chu khovel a zawlnei hung diingpa ahi ngei mei, a chi uhi.

JOHN 9:17

Huin amahun mittawpa kawmah, Na mit hung suhvaahsahpa, amah tungtaang nang bang na chi ngaihtuah ei? a chi kiit va. Ama’n, zawlnei ahi, a chi a.

SILBAWLTE 5:5

Huleh, Anania in hu thu a jah tahin a puuh a, a sita a; huleh, hu thu ja zousiah chu a lau mahmahta uhi.

SILBAWLTE 7:37

Israel suante kawma, Lalpa na Pathian un keimah ahung bawl bangin na unaute laha mi zawlnei khat ahung bawlsah diing a, amah thu na ngaikhe diing uh, chitu hu Mosi chu hih ahi.

GALATIATE 1:24

Huleh amahun keimah ah Pathian a paahtawita uhi.