LUKE 6:20 - Thuhun Thah (BSI)

²⁰ Huin amah chu a khodaah a, a nungjuite a en a, Nanguh migentheite na hampha uh; ajiahchu Pathian gam nanguh a ahi.

LUKE 6:20 Iomraidhean Croise

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 5:1

Huleh mipite a muh in taang ah a kaltou a, a tou a, a nungjuite a kawmah a hung va;

LUKE 12:32

Pawl tawmte, lau sih un; bang jiahin i chih leh na kawmva lalgam piah chu na Pa uh kipaahna zawngtah ahi.

LUKE 13:28

Abraham leh, Isaak leh, Jakob leh zawlneite zousiah Pathian gam a um na muh va, nanguh polama paikhiah a um na hih uh na hung kiheet chiangun huah kah leh hagawi a um diing.

LUKE 14:15

Huleh a an neehpihte khat in hi thute a jahin a kawmah, Pathian gam a an ne diing chu a hampha hi, a chi a.

LUKE 16:25

Hizongleh Abraham in, Tapa, nangma’n na dam laiin sil hoihte na kimuh a, huchibangin Lazar in sil hoihloute a mu chih geeldoh in; hizongleh tu’n chu amah hamuanin a um a, nang gimthuaahsah in na um ahi,

LUKE 4:18

Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin,

SILBAWLTE 14:22

Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi.

KORINTHTE II 6:10

Lungkhamtah bangin, kipaah zing ngal in; genthei bangin, mi tampi hausah ngal in; bangmah nei lou bangin, sil zousiah nei ngal in.

KORINTHTE II 8:2

Huchia hahsatna a ze-etna loupi a a kipaahna uh dimlet leh, a zawn mahmah na u’chu a silphalna loupi uh ahung hihdan chu.

KORINTHTE II 8:9

Ajiahchu i Lalpa uh Jesu Khrist hehpihna chu na he uh; a gentheihna jiaha na hung hauhsat theihna diingun, amah chu hausa mah zongleh, nang u’ jiahin ahung gentheita hi.

THESSALONIKATE I 1:6

Huleh hahsatna thuaahpum in, Hagau Siangthou a kipaah kawmin thu chu pom in, kei uleh Lalpa juite na hi uhi.

THESSALONIKATE II 1:5

Hichu Pathian gam mi hitaah a guat na hihtheihna diing va Pathian vaihawmna dihtah chiamchihna chiantah ahi, hu diing maha zong thuaah na hi uhi;

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

THUPHUANDOH 2:9

Na natohte leh, gimthuaahte leh, na zawndan (hizongleh na hausa hi) ka he hi, huleh Judami hiloupi a ka hi uh chi, Setan kikhopna inn hingal, hute Pathian soisiatna ka he hi.