LUKE 6:12 - Thuhun Thah (BSI)

¹² Huleh hulaiin hichi ahung hi a, taang ah haamtei diingin a chiah a, Pathian kawmah jankhovaah in a haamtei hi.

LUKE 6:12 Iomraidhean Croise

MATTHAI 5:1

Huleh mipite a muh in taang ah a kaltou a, a tou a, a nungjuite a kawmah a hung va;

MATTHAI 6:6

Hizongleh nang chu na haamtei chiangin na pindan sungah luut inla, na kot khaah inla, a guuha um na Pa kawmah haamtei in; huchi'n na Pa a guuha hung mupa in phuanglaahtahin ahung dit diing hi.

MARK 1:35

Huleh jingkal in, kho vaah ma daihin a thou a, a pawt a, munsip ah a va chiah a, huah a haamtei hi.

MARK 3:13

Huleh taang ah a chiah tou a, a deihdeihte a kawmah a kou a; Huleh amahuh a kawmah a hung va.

MARK 6:46

Huleh amahuh a sawlkhiah zohin haamtei diingin taang ah a chiahta hi.

LUKE 5:16

Huleh amah chu gamdai ah a chiah tuam a, a haamteita hi.

LUKE 6:11

Huleh amahuh chu a lungthah segawp va, Jesu tunga a bawl dan diing uh khat leh khat a kihouta uhi.

LUKE 6:17

Huleh amahuh toh a kitonsuh a, munjang ah a ding a, a nungjuite mi tampi leh, Judia gam pumpi leh Jerusalem a kipan leh Tura leh Sidon kho lama tuipi geia kipan mipi nasatah toh, hute chu thu ngai diing leh a damlouhnate uh suhdam ut in a hung va,

LUKE 9:18

Huleh hichi ahung hi a, amah ngena a haamtei laiin a nungjuite a kawmah a um va; ama’n a kawmvah, Mipite’n kei koi ahi ahung chi viai? chi'n a dong a.

LUKE 9:28

Huleh hichi ahung hi a, hite a soi nung ni giat diing bangin ama’n Peter leh, John leh, Jakob a pui a, taang ah haamtei diingin a chiah a.

LUKE 9:29

Huleh a haamtei laiin a meel umdan chu ahung dangta a, a puansilhte chu a vaam a, a teselsulta a.

JOHN 6:3

Jesu chu taang ah a chiahtou a, huah a nungjuite toh a tou hi.

KOLOSSITE 4:2

Haamtei zing unla, huah chu kipaahthu soi kawmin kiveeng zing un.

HEBRAITE 5:7

Ama’n chu tahsa a a um lai nitein, sihna laha amah huuhhing theipa kawmah naahpitaha kap leh mittui luang pum a haamteina leh ngetnate a lat nungin, Pathian laudan a siam jiahin ngaihkhiah in a um hi.