LUKE 4:18 - Thuhun Thah (BSI)

¹⁸ Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin,

LUKE 4:18 Iomraidhean Croise

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 12:18

En in, ka suaah, ka teel: ka deihtah, amah ka lungkim mahmahna pa chu; ka Hagau a tungah ka koih diing a, huleh ama’n Jentelte kawmah vaihawmna thu a soi diing.

MATTHAI 12:20

Gualzou diing a vaihawmna dih ahung tut masiah sialluang gawpsa a sutan sih diing a, pat khu zong a sumit sih diing.

MATTHAI 4:16

Mial a tou mite’n vaah loupitah a mu uh; huleh sihna gam leh liima toute tungah vaah ahung suaahta hi, a chih chu, chi'n.

MATTHAI 5:3

Hagau a gentheite a hampha uhi: vaan lalgam amahuh diing ahih jiahin.

LUKE 4:17

Huleh a kawmah zawlnei Isaiah lehkhabu a pia va, huin ama’n hu lehkhabu chu a pheet a, hi thu kigelhna laitah a mu a,

LUKE 6:20

Huin amah chu a khodaah a, a nungjuite a en a, Nanguh migentheite na hampha uh; ajiahchu Pathian gam nanguh a ahi.

LUKE 7:22

Huleh Jesu’n a dawng a, a kawmvah, Chiahta unla, na sil muh uleh na jahte u’chu John va hilh un; bangchi banga mittawte mit hung vaahta a, keengbaite ahung paitheita a, miphaahte ahung siangthouta a, bilngongte’n ahung ja theita a, misite kaihthoh in a umta a, huleh tagahte kawmah tanchinpha soi in a umta, chih.

JOHN 1:41

Ama’n a masapenin amah ngei sanggampa Simon a mudoh a, a kawmah, Messiah, Khrist kichipa chu ka muta uh, a chi a.

JOHN 12:46

Vaah diing a khovel a hung ka hi, koipouh ahung gingta chu miala a um zing louh na diingin.

JOHN 3:34

Ajiahchu Pathian sawlin Pathian thu a soi veu; Pathian in laha kawmah Hagau teh detdetin a pe sih.

SILBAWLTE 10:38

Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.

SILBAWLTE 4:26

Khovel kumpite a ding va, vaaihawmte zong a kikhawm uh, Lalpa leh Khrist kalh in, chi'n.

SILBAWLTE 4:27

Na Tapa siangthou, na thaunuh Jesu tungah, Herod leh Pontia Pilat toh, Jentelte leh Israelmite toh a kikhawm tahzet uhi.

KOLOSSITE 1:13

Ama’n chu mial silbawltheihna a kipanin ahung hundoh a, a Tapa deihtah gam ah ahung luutsahta hi.

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;