LUKE 3:8 - Thuhun Thah (BSI)

⁸ Hujiahin kisiih min potaahin gah un, huleh Abraham ka pu uh ahi chi'n na lungsim un ngaihtuah sih un; Ajiahchu Pathian in hi suang te Abraham haahtein a dingsah thei hi chih ka hung hilh ahi.

LUKE 3:8 Iomraidhean Croise

MATTHAI 21:43

Hujiahin ka hung hilh ahi, Pathian gam chu na kawm vapat laahsah ahi diing a, gah suang diing jat dang kawmah piah ahi diing hi.

MATTHAI 3:8

Hujiahin kisiihna min putaahin gah suang un;

MATTHAI 3:9

Huleh Abraham ka pu uh ahi chi'n kingaihtuah sih un; ajiahchu Pathian in hi suang te haw Abraham tate in a dingsah thei hi, chih ka hung hilh ahi.

LUKE 13:25

Inn neitu khatvei a thoh a, kot a khaah tah chian, nanguh innpua a dingin, Lalpa, Lalpa, kot hung honin, chia kot na kiuh chiangun, ama’n na kawmvah, Khoilam mi na hi viai, ka hung he ngei sih, chi'n ahung dawng diing.

LUKE 13:26

Hutah chian nangun, Na ma ah ka ne un, ka dawn va, huleh ka kotzing vah thu na hilh hi, na chi diing uh;

LUKE 14:9

Nang hung koutu leh amah chu na kawma hungin, Hipa touna diing ot in; ahung chi diing a; nang chu zum tahin mun hoihlou penah na va toupan phiing diing hi.

LUKE 19:40

Ama’n a dawng a, a kawmvah, Ka hung hilh ahi, hite a sip unchu suang te a kikoudohpah diing uh, a chi a.

LUKE 19:9

Huin Jesu’n a kawmah, Tuni’n hi inn ah hutdamna ahung tungta hi, amah zong Abraham tapa ahi ngal a.

LUKE 5:21

Huin lehkhagialtute leh Pharisaite’n, Hi Pathian soisia koi ahiai? Pathian chauh loungal kua’n ahiai sual ngaidam thei? chi'n a ngaihtuah va.

JOHN 8:33

Amahun, Abraham haahte ka hi va, bangchih mahin koimah salin ka taang ngei sih uh; bangchidan a na suaahta diing uh, na chih ahiai? chi'n a dawng va.

JOHN 8:39

Amahun a dawng va, a kawmah, Abraham ka pa uh ahi, a chi va Jesu’n a kawmvah, Abraham tate hile u’chin Abraham natohte na tong diing uh.

SILBAWLTE 26:20

Hizongleh a masa in Damaska khua a mite kawmah, huin Jerusalem khua a mite kawmah, huin Juda gam pumpi a mite kawmah leh Jentelte kawmah zong, a kisiih va Pathian kawm a zot va, kisiihna toh kiphu, nna a tohna diingun, ka hesahta ahi.

ROMETE 4:16

Hujiahin hehpihna jiaha ahihtheihna diingin, ginna jiahin ahi; haahte zousiah inzong thuchiam chu peelloua, a muhna diingun; daan nei mite chauhin hilouin, i bawnva i pu uh Abraham banga ginna nei zousiah inzong a mu diing uhi.

ROMETE 9:7

Abraham haahte ahih jiahun zong a bawnun tate ahi veh tuan sih uh; Isaak ah na haah a kichi diing, chih ahi zaw hi.

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.