LUKE 3:16 - Thuhun Thah (BSI)

¹⁶ John in a dawng a, a kawmvah, Ke'n chu tui in ka hung baptis ngei a; hizongleh kei sanga loupizaw, a keengtophah khau zong suut taah ka hih louh mi khat ahung diing; ama’n chu Hagau Siangthou leh mei in nanguh ahung baptis diing;

LUKE 3:16 Iomraidhean Croise

MATTHAI 3:11

Ke'n chu kisiihna diingin tui in ka hung baptis ngei a; hizongleh ka nunga hungpa chu kei sangin a loupizaw a, A keengtophah tawi taah zong ka hi sih hi; Ama’n chu Hagau Siangthou leh mei in nanguh ahung baptis diing hi.

MATTHAI 3:12

A khut in a pasiseep a tawi a, a phual chu a japsiang tinten diing; huleh a buhte chu a pangah a koihkhawm diing a; hizongleh a sii chu mei mitthei lou in a haaltum diing hi, a chi hi.

JOHN 1:26

John in amahuh a dawng a, Ken chu tui in ka baptis a, hizongleh na heet louh uh khat na lahvah a ding hi;

JOHN 1:27

A keengtophah khau zong suut taah ka hih louh, ka nunga hung pai ahung makhelhpa, amah chu hupa ahi, a chi a.

JOHN 1:33

Ken amah kana he sih; hizongleh tuia baptis diing a hung sawlpa amahmahin ka kawmah, Kua tungah zong Hagau hung kumsuh a, a tunga tuangden na muh penpen, amah chu Hagau Siangthou a baptis diingpa chu ahi ahung chi a.

JOHN 7:38

Koipouh kei hung gingta chu Pathian lehkhathuin a soi bangin a sunga kipanin tuihing luite a luang doh diing, a chi a.

SILBAWLTE 1:5

Ajiahchu John in tui in a baptis ngeia; hizongleh nangun chu ni sawtlou sungin Hagau Siangthou in baptisma na tang diing uh, a chi a.

SILBAWLTE 10:44

Peter in hi thute a soi laitahin, a thu ja zousiah tung ah, Hagau Siangthou ahung tungta hi.

SILBAWLTE 2:33

Hujiahin Pathian khut jiatlam a paahtawi in a um a, huleh, Hagau Siangthou chiam chu Pa kawm apatin a mu a, na muh uleh na jah uh chu ahung leih ahi.

KORINTHTE I 12:13

Ajiahchu eiuh Judate hiin, Jentelte hitalei, suaah hiin, suaahlou hilei, i bawnun sapumkhat a um diingin Hagau khat a baptis in i um uhi; huleh i bawnun Hagau khat mah dawnsah in i umta uhi.