LUKE 3:11 - Thuhun Thah (BSI)

¹¹ Ama’n a dawng a, a kawmvah, Koipouh puannaah nih nei in a nei lou hawm heh; huleh neeh diing nei in zong huchibang mahin bawl heh, a chi a.

LUKE 3:11 Iomraidhean Croise

MATTHAI 25:40

Huleh Kumpipa in chu a dawng diing a, a kawmvah, Chihtahzetin ka hung hilh ahi, Hi ka unaute laha neupen khat tunga na bawl uh chu ka tunga bawl na hi uh, a chi diing.

LUKE 11:41

Hizongleh na sil neihte uh migentheite kawmah pezaw un; huleh ngai un, sil zousiah nanguh diingin a siang hi.

LUKE 18:22

Jesu’n hi thute a jah tahin, a kawmah, Sil khat na sam nalai hi, na neih zousiah zuah inla mi zawngte kawmah hawmin, huchi'n vaan ah gou na nei diing; huleh hung inla, hung jui in, a chi a.

LUKE 19:8

Huleh Zakai chu a dinga, Lalpa kawmah, Ngai in, Lalpa, ka sum kimkhat tagahte kawmah ka pe diing a; huleh mi thuampua bangaha dihloutaha ka laah a um leh a lehli in ka dit diing, a chi a.

JOHN 13:29

Ajiahchu a lahva khenkhat in, Juda in dangka ip a kol jiaha Jesu’n a kawma, Gual vaahna a i mamoh diing silte lei in, chi aha, ahihlouhleh tagahte kawma bang aha khat a piah diing chi ahain a ngaihtuah uhi.

SILBAWLTE 10:2

Pathian ngaihsahmi ahi a, a innkuante zousiah toh Pathian laudan a siam va, mite kawmah sil tampi a pia a, huleh, Pathian kawmah zong a haamtei zing hi.

SILBAWLTE 10:31

Huleh Kornelia, na haamteina jahin a umta, mi kawma na silpiah zong Pathian in a he zing hi.

SILBAWLTE 10:4

Huin, Kornelia in amah a et leh, a lau a, Lalpa, bang ahitai? a chi a. Huin, angel in a kawmah, Na haamteinate leh na silpiahte heet zing diingin Pathian ma ah ahung tung touta hi.

EPHESITE 4:28

Guta in gu nawn sih henla, tasam kawm a piah diing a neih theihna diingin, a khuta sil hoih bawl in tonggim zaw heh.

TIMOTHI I 6:17

Hi khovel a mihausate chu kisathei lou diing leh, hauhsatna kiplou a muanna nga loua, sil zousiah i kipaahna diing a kichingtah mei a hung petu Pathian tunga nga zaw diingin;

TIMOTHI I 6:18

Sil hoih bawl diingin, silhoih bawl hau diingin, silphal diingin, kihop ut diingin;

HEBRAITE 6:10

Ajiahchu a min a na natoh uleh, na lungsiatna suhlat uh, misiangthoute na natohsah va, huleh tua zong na toh zing u’chu mangngilh diingin Pathian chu a dihtatlou sih hi.

JAKOB 1:27

Pathian leh Pa mitmuh a sahkho biah siangthou leh buahbaang lou chu, nubei pabeite leh meithaite a gimthuaah lai va veh leh, khovel a niin baang lou a kikoih zing ahi.

JAKOB 2:14

Ka unaute mi’n ginna ka nei chi henla, natoh nei sih leh, bang a phatuam diai? huchibang ginna in amah a hundam thei diai mah?

JOHN I 3:17

Hizongleh mi koipouh in khovel sil hau henla, a unau tasam in mu in, amah chu lainat het sih leh, bangchi'n Pathian lungsiatna amah ah a um diai?

JOHN I 4:20

Mi’n Pathian ka lungsiat, chi ngal a, a unau a muhdah inchu, mizuau ahi; ajiahchu a muh gegu a unau bawn lungsiat loupi’n a muh louh Pathian bangchi’n a lungsiat thei diai?