LUKE 24:19 - Thuhun Thah (BSI)

¹⁹ Ama’n a kawmvah, Bang silte eimaw? a chi a. Huin amahun a kawmah, Nazareth Jesu, Pathian leh mi zousiah mitmuha silbawl leh thusoia zawlnei minthangtah tungtaang thu:

LUKE 24:19 Iomraidhean Croise

MATTHAI 21:11

Huleh mipite'n, Hipa hi zawlnei Jesu, Galili gam a Nazareth khua a mi ahi, a chi uhi.

MARK 1:24

Ka tangun hung umsah in; Nazareth Jesu, nang leh kei un bang ahiai kizopna i neih? kei uh sumang diing a hung na hi maw? Koi na hih ka hung he hi, Pathian misiangthou na hi, chi'n.

LUKE 24:18

Huin khatpa, a min Kleopa kichi penin a dawng a a kawmah, Tulaia sil umdante na heet louh, Jerusalem a nang chauh mikhual na hiai mah? a chi a.

LUKE 7:16

Huin mi zousiah ahung lauta va, Pathian a paahtawi va; I lahah zawlnei loupitah ahung suaahta; huleh Pathian in a mite ahung vehta ahi, chih.

JOHN 3:2

Amah chu janin Jesu kawmah a hung a, a kawmah, Rabbi, Pathian akipana thuhilhtu diing a hung na hi chih ka he uh; ajiahchu Pathian a kawma a um louhleh na silmah bawlte koima’n a bawl thei sih diing, a chi a.

JOHN 4:19

Numeinu’n a kawmah, Pu, zawlnei na hi chih ka he,

JOHN 6:14

Huin Jesu silmah bawl a muhun hu mipite’n, Tahzetin hipa chu khovel a zawlnei hung diingpa ahi ngei mei, a chi uhi.

JOHN 7:52

Amahun a dawng va, a kawmah, Nang zong Galili mi na hia maw? Hawl inla, en in, ajiahchu Galili gam ah zawlnei himhim a piang ngei sih hi, a chi va.

SILBAWLTE 10:38

Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.

SILBAWLTE 2:22

Nanguh Israel mite, hi thute ngai un, Nazareth Jesu chu Pathian in Amah zang a na lahva, silmahte, silloupite leh chiamtehnate a bawlte apatin Pathian mi deih ahi chih a hesah a, huchu nangun zong na he uhi.

SILBAWLTE 7:22

Huleh, Mosi chu Aigupta gam mite pilna zousiah a hilh va, huchi'n, thu leh silbawl ah a loupi mahmah hi.