LUKE 22:70 - Thuhun Thah (BSI)

⁷⁰ Huin a bawnun, Ahihleh, Pathian Tapa na hi maw leh? a chi va. Ama’n a kawmvah, Na hung chih bangun ka hi, a chi a.

LUKE 22:70 Iomraidhean Croise

MATTHAI 26:25

Huin a mansahtupa Juda in a dawng a, Houtupa, kei ka hi maw? a chi a. Ama’n a kawmah, Nangma'n na chita hi, a chi a.

MATTHAI 26:64

Jesu’n a kawmah, Na chita hi: himahleh ka hung hilh ahi, Tunung chiangleh mihing Tapa silbawltheihna jiatlama tou leh, vaan mei tunga hung na mu diing uhi, a chi a.

MATTHAI 27:11

Huin Jesu chu gamoptu ma ah a ding a, huleh gamoptu’n, Judate Kumpipa na hi maw? chi'n a dong a, Huin Jesu’n a kawmah, Hi e, a chi a.

MATTHAI 27:43

Ama’n Pathian a muang vele; Amah deih ahihleh tuin hunkheta hen; Pathian Tapa ka hi, a chi ngal a, a chi va.

MATTHAI 27:54

Huin sepaih zahoutu leh a kawma Jesu veenga umte’n ziilling leh sil hung umte a muh un nasatahin a lauta va, Hichu Pathian Tapa ahi ngei mei, a chi va.

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

MATTHAI 4:3

Huin heemtu chu a hung a, a kawmah, Pathian Tapa na hih leh hi suang te tanghou suaah diingin thu pia in," a chi a.

MARK 14:62

Huleh Jesu’n, Ka hi; huleh mihing Tapa hi silbawltheihna jiatlama tou a, vaan meipi laha hung na mu diing, uh, a chi a.

MARK 15:2

Huin Pilat in, Judate Kumpipa na hi maw? chi'n a dong a. Huin ama’n a dawng a, a kawmah, Na chikha hi, a chi a.

LUKE 22:71

Huin amahun, Heetsahna dang bang i ngai nawntuan eimah? Eimah ngei in a kamsuaah i zata uhi, a chi va.

LUKE 23:3

Huin Pilat in, Judate kumpipa na hi maw? chi'n a donga. Ama’n a dawng a, Na chih chu ka hi, a chi a.

LUKE 4:41

Huleh dawite zong, Nang Khrist, Pathian Tapa na hi, chi a kikou in mi tampite sung apat ahung pawtdoh uhi. Huleh ama’n amahuh a tai a a haam diing uh a phalsah sih hi; ajiahchu Khrist ahi chih a he uhi.

JOHN 1:34

Huchu ka mu a, huleh hipa chu Pathian Tapa ahi chih ka heetpih ahi, a chi a.

JOHN 1:49

Nathanael in a dawng a, a kawmah, Rabbi, Pathian Tapa na hi; Israelte Kumpipa na hi, a chi a.

JOHN 10:30

Kei leh ka Pa khat ka hi uh, a chi a.

JOHN 10:36

Pa in a guat, khovel a, a sawlpa tungah, Pathian Tapa ka hi ka chih jiahin Pathian na soisia na hung chi uh ahi maw?

JOHN 18:37

Hujiahin Pilat in a kawmah, Ahihleh Kumpipa na hi maw? a chi a. Jesu’n a dawng a, Kumpipa na chih chu ka hi. Huleh hikhu diing a piang ka hi a, huleh thutah heetpih diing a khovel a hung ka hi. Koipouh thutah a photmahin ka aw a ja uh, a chi a.

JOHN 19:7

Judate’n amah a dawng va, daan khat ka nei uh, Pathian Tapa a, a kibawl jiahin ka daan dungjui un sitaah ahi, a chi va.