LUKE 22:42 - Thuhun Thah (BSI)

⁴² Pa, lem na sah a ahihleh hi nou chu ka kawma kipanin lasuanin; hizongleh kei thu hilouin nang thuthu hizaw heh, a chi a.

LUKE 22:42 Iomraidhean Croise

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

MATTHAI 11:26

Ahi, Pa, huchibang chu nang ngaihin a hoih ahi.

MATTHAI 20:22

Hizongleh Jesu’n a dawng a, Na nget uh na he sih uhi. Nangun ka nou dawn diing na dawn thei viai? huleh ka baptisma tan diing na tang thei diing viai? a chi a. Amahun a kawmah, Thei e, a chi va.

MATTHAI 26:39

Huin amah chu themkhat a chiah gamla deuh a, a khupboh a, Aw Pa, ahihtheihleh hi nou hung peelsah in; ahihvangin keimah thu hilouin nang thuthu hizaw heh, chi'n a haamtei a.

MATTHAI 26:42

A nihveina ah ava chiah kiit a, Aw Pa, ka dawn louha hi nou in hung peel thei lou ahihleh, nang thuthu hita heh, chi'n a haamtei a.

MATTHAI 26:44

Huleh amahuh a nusia a, a chiah kiita, a thumveina ah a soi ngei soi in, a haamtei kiit a.

MATTHAI 6:10

Na lalgam hung tung heh. Na deihzawng vaan a a kibawl bangin, leiah zong kibawl heh.

MARK 14:36

Huleh, Abba, Pa, sil zousiah nanga diingin a hithei hi, hi nou hi kei apatin lamang in; hizongleh kei thu hilouin, nangmah thu thu hizaw heh, a chi a.

LUKE 23:34

Huin Jesu’n, Pa, amahuh ngaidam in; ajiahchu a silbawl uh a he lou uh ahi, a chi a. Huin a puansilh kihawmin aai a saan uhi.

JOHN 18:11

Huin Jesu’n Peter kawmah, Na namsaau a paai ah siat in; ka Pa’n nou ahung piah chu ka dawn sih diai mah? a chi a.

JOHN 4:34

Jesu’n a kawmvah, Ka an chu ahung sawlpa deihzawng bawl leh a na tohzoh ahi.

JOHN 5:30

Ke’n ka thuin bangmah ka bawl thei sih; ka jah bangin vai ka hawm veu hi; huleh ka vaihawm chu a dih hi, ajiahchu keimah deihzawng hawl lou in, Pa ahung sawlpa deihzawng ka bawl zaw hi.

JOHN 6:38

Ajiahchu keimah deihzawng bawl diing a vaan apata hungsuh ka hi sih a, ahung sawlpa deihzawng bawl diing a hungsuh ka hi zaw hi.

SILBAWLTE 21:14

Huleh houh zoh gual ahih louh tahin ka tawp va, Lalpa thuthu hiheh, ka chita uhi.