LUKE 21:8 - Thuhun Thah (BSI)

⁸ Huin ama’n, Heema na um louhna diingun pilvaang un; ajiahchu Khrist ka hi, huleh a hun tung diing ahita, chi'n mi tampite ka minin ahung diing uh; hujiahin amahuh jui sih un.

LUKE 21:8 Iomraidhean Croise

MATTHAI 24:11

Huleh zawlnei tahlou tampi ahung pawt diing va, mi tampi a heem zou diing uh.

MATTHAI 3:2

Kisiih un; ajiahchu vaan lalgam a naita hi, chia soi in.

MATTHAI 4:17

Hu huna kipanin Jesu in, Kisiih un; ajiahchu vaan lalgam a naita hi, chi'n thusoi a panta a.

LUKE 17:23

Huchian na kawmvah, En un hitah ah; ahihlouhleh en un hutah ah, ahung chi diing va; chiah sih unla, a nung uh zong jui sih un.

LUKE 21:7

Amahun, Houtupa, hi silte bangchih chia’n ahung um diai? huleh hi silte ahung tun diing chiangin heetsahna bang ahung um diai? chi'n a dong va.

LUKE 21:9

Amahvang kidou thu leh buai thute na jah chiangun lau sih un; ajiahchu hi silte hung tung masa diing mawng ahi; hizongleh a tawpna chu a tungpah nai sih diing hi, a chia.

JOHN 5:43

Ka Pa minin ka hung a, nangun na hung kipaahpih sih uh; a dang khat amah minin hung lehlah na kipaahpih diing uh.

JOHN 8:24

Hujiahin na kawmvah, Na sualna vah na si diing uh; ajiahchu kei amah ka hi chih na gintaat louh uleh na sualna vah na si diing uh, ka chi ahi, a chi a.

JOHN 8:28

Huin Jesu’n a kawmvah, Mihing Tapa na khaikaang zoh chiangun amah ka hi chih leh, keimah thu in bangmah ka bawl sih a, hizongleh ka Pa’n ahung hilh bangin hi thute ka soi zaw ahi, chih na he diing uh.

KORINTHTE I 6:9

Mi dihtatloute’n Pathian gam a luah sih diing uh chih na he sih viai mah? Heem in um sih un; kingaihhaatte aha, milem bete aha, aangkawmte aha, mihuuhte aha, tohuuhte aha,

EPHESITE 5:6

Mi koimah in thu meimei pouhin hung heem sih u’heh; ajiahchu hi silte jiahin Pathian lungthahna chu thumanglou tate tungah a tung veu hi.

THESSALONIKATE II 2:3

Koima’n bangmahin hung heem sih heh; ajiahchu puuhsaanna tah ahung tun masat a, sualna mipa, mangthai tapa ngei ahung kilat phot louhleh hu ni chu hung tung lou diing ahi;

TIMOTHI II 3:13

Hizongleh migilou leh mi heemhaatte chu mi heem leh heem a um in a sesuaah deuhdeuh diing uhi.

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.

JOHN II 1:7

Bang jiahin ahiai i chih leh, Jesu Khrist tahsa in ahung chih gum lou heemtu tampi khovel ah a umdohta hi. Hutobang mi chu heemtu leh Khrist doudaaltu ahi.

THUPHUANDOH 1:3

Hi soilawhna thute sim leh, ngaikhete leh, a sunga thu kigialte juimi chu a hampha hi; a hun a naitaah jiahin.

THUPHUANDOH 12:9

Huleh dragon lian chu paihdoh in a umta a, hu guulpi teeh, Diabol leh Setan kichi, khovel pumpi heemtu chu; amah chu leitung ah paihkhiah in a umta a, a angelte zong amah toh paihkhiah in a um uhi.