LUKE 21:12 - Thuhun Thah (BSI)

¹² Hizongleh hi silte zousiah a tunma in nanguh ahung man diing va, kikhopna inn leh suangkul ahte hung puiin ahung bawlgenthei diing va, ka min jalin kumpipate leh vaihawmtute ma-ah ahung pui diing uh.

LUKE 21:12 Iomraidhean Croise

MATTHAI 22:6

Huleh mi dangte’n a suaahte chu a man va, musittah in a bawl va, a thatta uhi.

MATTHAI 24:8

Hite zousiah chu gentheihna kipatna ahi.

LUKE 21:11

Mun tuam tuamah jil nasatahin a liing diing a, kialte hung tungin, hiite ahung leeng diing; huleh vaan apatin sil lauhuaite leh chiamchihna loupite ahung um diing hi.

JOHN 15:20

Suaah a pu sangin a lianzaw sih chih na kawmva ka thusoi he zing un. Amahun kei ahung sawi unchu nanguh zong ahung sawi diing uh; ka thusoite a juih uleh nanguh soi zong a jui diing uh.

JOHN 15:21

Hizongleh ka min jiahin hi silte zousiah na tungvah a bawl diing uh, ahung sawlpa a heet louh jiahun.

SILBAWLTE 22:30

A jingni’n, Judate in bang jiahin aha Paul a heeh uh chih heetchian a tup jiahin, sepaih houtu lianpenin amah a phel a, siampu lalte leh vaihawmtute zousiah kikhawm diingin thu a pia a, Paul ahung pui va, a ma vah a dingsahta hi.

SILBAWLTE 5:40

Huleh, a soi chu lem a sata va; huchi'n sawllehte chu a kou va, a jep va, a jep zohun, Jesu min a thu soi kiit hetlou diingin thu a pia va, a hahta uhi.

SILBAWLTE 8:3

Saul in ahihleh, kouhtuam pawlte a suduhdah mahmah a, inn chinah a luut a, numei pasal a kaidoh a, suangkul ah a khum hi.

SILBAWLTE 9:4

Huin, lei ah a puuh a, Saul, Saul, nang bang diinga hung suduhdah na hiai? chih aw a ja a.

PETER I 2:13

Lalpa jiahin mihing daan siam photmah nuaiah kituluut un; lalpen ahihjiahin kumpipa kawmah aha,

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.