LUKE 20:35 - Thuhun Thah (BSI)

³⁵ Hizongleh hu khovel luah taah diing leh misi lah apat thohkiitna-a tel taah diing a guatte chu a kiteeng sih va, ji leh ta in zong a kinei sih uh;

LUKE 20:35 Iomraidhean Croise

MATTHAI 12:32

Huleh koipouh mihing Tapa kalh chu, a kalhna uh ngaihdamsah ahi diing a, hizongleh koipouh Hagau Siangthou kalh chu, a kalhna uh hi khovel ah zong, huleh khovel hung um kiit diing ah zong ngaihdamsah ahi sih diing hi.

MATTHAI 22:29

Jesu’n a dawng a, a kawmvah, Pathian lehkhathu leh Pathian silbawltheihna na heet louh jiahun, na sukhial veu uhi.

MARK 10:42

Hizongleh Jesu’n amahuh a kou a, a kawmvah, Jentelte tunga vaihawm diing a kiguatte chu a tung vah a lal mahmah uh; huleh a mi lianteun a tung vah thu a nei mahmah mei chih na he uh.

MARK 12:24

Jesu’n amahuh a dawng a a kawmvah, Pathian lehkhathu leh Pathian silbawltheihna na heet zawh saang uh a um louh jiahtah a bawl khial hilou na hi uh maw?

LUKE 16:8

Hu sumkoltu dihtatlou chu a pu in a lemtheih jiahin a phatta hi; ajiahchu vaah tate sangin hi khovel tate hi a tulai thu vah a pilzaw uhi.

LUKE 21:36

Hujiahin hi sil hung tung diing zousiahte peel taah leh, mihing Tapa ma-a diing taah diing a guat na hih theihna diingun bangchih laipouhin haamtei unla, ngaihsah zing un, a chi a.

JOHN 5:29

Huleh ahung pawtdoh diing uh; sil hoih bawlte chu kumtuang hinna tangin a thoudoh diing va, huleh sil gilou bawlte chu siamlouh tangin a thou kiit diing uh.

SILBAWLTE 24:15

Huleh, mi dihtatte leh dihtatloute thohkiitna a um diing chi a amahun zong a gintaat uh, huchu ke’n Pathian lamah ka kineppih ahi.

SILBAWLTE 5:41

Huleh, amahuh chu vaihawmte lah apatin a pawtkhia va, hu min jiaha zumna thuaah taah a guat ahih jiahun a kipaah mahmah uhi.

THESSALONIKATE II 1:5

Hichu Pathian gam mi hitaah a guat na hihtheihna diing va Pathian vaihawmna dihtah chiamchihna chiantah ahi, hu diing maha zong thuaah na hi uhi;

HEBRAITE 11:35

Numeite’n a misi uh thou kiit a mu va; mi dangte zong gimthuaahsah in a um va, thohkiitna hoihzaw a muhna diingun, hutkhiahna a deih sih uhi.

THUPHUANDOH 3:4

Ahiinlah, Sardis khua ah a puante uh subuah lou min tawmtakhat na nei hi; huleh amahuh chu kei toh puan vaam silh in a leeng diing uh; huchitaah ahih jiahun.