LUKE 20:16 - Thuhun Thah (BSI)

¹⁶ Ahung diing a, lou enkoltute chu a sumang diing a, huleh grep huan chu mi dangte kawmah a pe diing hi, a chi a. Amahun hi a jah tahun, Huchi lawm lawm zaw tundah heh, a chi va.

LUKE 20:16 Iomraidhean Croise

MATTHAI 21:34

Huleh a gah loh a hun diing kuan in, a suaahte chu a gah la diingin a enkolte kawmah a sawl a.

MATTHAI 21:41

Amahun a kawmah, Ama’n hu migiloute chu gentheitahin a sumang diing a, grephuan chu a enkoltu dang, a gah loh hun china a gahte a kawma pe jel diingte kawmah a kemsah diing, a chi va.

MATTHAI 22:7

Hizongleh kumpipa’n huchu a jah tahin a lungthah a; a sepaihte a sawl a, hu tualthatte chu a sumang a, huleh a khua uh zong a haalsahta hi.

MARK 12:9

Hujiahin grephuan neitu in bang a lohta diai? Amah chu ahung diing a, louhoute chu a sumangthai diing a, huleh grephuan chu mi dangte kawmah a pe diing hi.

LUKE 19:27

Hizongleh hu ka meelmate, a tungva ka vaihawm diing deihloute chu hung pui unla, ka ma-ah that un, a chi a.

LUKE 20:15

Huchi'n grep huan apat a delhdoh va, a thatta uhi Ahihleh grep huan neitu in a tungvah bangchi’n a bawl diai le?

SILBAWLTE 13:46

Huin Paul leh Barnaba in haangsantahin a soi va, Pathian thu hi nanguh kawma soi masat diing mawng ahi a; hizongleh, na nial va, kumtuanga hing taahlou a na kiguat nungun he un, Jentelte lam ka ngatta uh ahi.

ROMETE 11:1

Ahihleh Pathian in a mite paaikheta ahiai mah? Paaikhe lou hial. Bang jiahin ahiai i chih leh kei zong Israelmi, Abraham haah, Benjamin phung a mi ka hi.

ROMETE 11:11

Ahihleh ka chi ahi, A kisuih uh a puuhdenna diinguh ahiai mah? Hilou hial. Hizongleh a puuh jiahun amahuh thangsiatsahna diingin Jentelte kawmah hutdamna ahung tung zawta hi.

ROMETE 3:31

Ahihleh ginna jiahin daan chu bangmahlou i suaahsah uh ahiai mah? Suaahsah lou hial; ahi, daan i sukipzaw uh ahi.

ROMETE 3:4

Suaahsah lou hial e; Pathian chu midihtat hi henla, mi chin chu zuau thei hizaw heh; Na thusoi a siamtang a na um a, vaihawmsah a na um chianga zong na zoh theihna diingin, chi a gelh bangin.

ROMETE 3:6

Hilou hial; bang jiahin ahiai i chih leh huchi hitaleh Pathian in khovel vai bangchi’n a hawmta diai?

ROMETE 6:15

Ahihleh bang chita diing? Daan nuaia um hilou a, hehpihna nuaia um i hih jiahin i sual diing uh ahi diai?

ROMETE 6:2

Um zing lou hial diing. Eiuh sual lama sisate bangchi’n sual ah i hing thei nalai lai diai?

ROMETE 7:13

Ahihleh sil hoih kei diing a sihna hung hita adiai? Hilou hial. Hizongleh sual chu sual a, a kilat theihna diingin sualin sil hoih zangin keimah ah sihna ahung tongdoh hi; sual chu thupiah jiaha sual nasatah ahung hihtheihna diingin.

ROMETE 7:7

Ahihleh bang i soita diai? Daan chu sualna hi adiai? Hilou hial. Himahleh daan jiahin hilouleh sual kichi he lou diing hinga; ajiahchu daan in, Eeng sin, na chi sih leh een kichi he lou diing ka hi.

ROMETE 9:14

Ahihleh bang i soita diai? Pathian ah dihtatlouhna a um a adiai? Um lou hial.

KORINTHTE I 6:15

Na sapum uh Khrist hiangte ahi chih na he sih viai mah? Ahihleh Khrist hiangte chu la in nohchizuahte hiangin ka bawl diing ahiai mah? Bawl lou hial diing.

GALATIATE 2:17

Hizongleh Khrist ah siamtang a um tum kawmpi a eimah ngei zong misualte i na hih leh, hujiahin Khrist sualna natongtu ahiai mah? Hi dawilou.

GALATIATE 3:21

Ahihleh daan chu Pathian thuchiam kalh ahiai mah? Hi lou hial; hinna pe thei daan ana kipeta hitaleh siamtansahna chu daan jiahin a um ngei diing hi.

GALATIATE 6:14

Hizongleh ke’n chu i Lalpa uh Jesu Khrist kros loungal ka suang het sih diing hi; amah jiahin khovel kei diingin kilhbeh ahita a, kei khovel diingin kilhbeh ka hita hi.