LUKE 20:13 - Thuhun Thah (BSI)

¹³ Huin grep huan neitu in, Bang chi bawl diing ka diai? ka tapa deihtah ka sawl diing hi, amah beeh a muh chiangun ana zahtaatkha moh sih diing uh, a chi a.

LUKE 20:13 Iomraidhean Croise

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

LUKE 18:2

Khopi khatah Pathian lau lou, huleh mihing zong bangmah a sim lou vaihawmtu khat a um a.

LUKE 18:4

Huleh amah chu tomkhat sunga ut sih a; hizongleh a nungin a lungsim in, Pathian lau louin mihing bangmahin sim sih mahleng,

LUKE 20:12

Huin ama’n a thumna a sawl kiita; huleh amah zong ana suliam va, a delhdohta uhi.

LUKE 20:14

Hizongleh lou enkoltute’n amah a muh tahun, Hipa gouluahtu diing chu ahi; a gou i tan theihna diingin i that diing uh, chi'n a kihou va.

LUKE 9:35

Huleh meilum laha kipanin aw ahung suaah a, Hi ka Tapa deihtah ahi, A thu ngai un, chi'n.

JOHN 1:34

Huchu ka mu a, huleh hipa chu Pathian Tapa ahi chih ka heetpih ahi, a chi a.

ROMETE 8:3

Ajiahchu tahsa jala haatlouhna jiaha daan in a bawl guallouh chu, Pathian in a tapa ngei, sualna tahsa gilou lim puain, huleh sual thoihna diing a hung sawlin, tahsa a sual um chu siamlouh a tangsahta hi.

GALATIATE 4:4

Hizongleh a hunbi ching ahung tuntahin, Pathian in a Tapa, chu numei suanin, daan nuai a bawl in ahung sawlkheta hi,