LUKE 18:22 - Thuhun Thah (BSI)

²² Jesu’n hi thute a jah tahin, a kawmah, Sil khat na sam nalai hi, na neih zousiah zuah inla mi zawngte kawmah hawmin, huchi'n vaan ah gou na nei diing; huleh hung inla, hung jui in, a chi a.

LUKE 18:22 Iomraidhean Croise

MATTHAI 19:21

Jesu’n a kawmah, Hoihkim keei ning na chih leh, chiah inla, na neih zuah inla, migentheite kawmah pia in, huchi'n vaan ah gou na nei diing; huleh hung inla hung jui in, a chi a.

LUKE 10:42

Hizongleh sil khat chauh a poimoh hi. Mari in tan hoih a teelta a, huchu laahsah louh diing ahi, a chi hi.

LUKE 12:33

Na neih pouh uh zuah unla, migentheite kawmah pia un; vaan ah guta chiah louhna leh, leikha neehsiat louhna ah, dangka ip lui thei lou leh gou sethei lou kikhol zaw un.

LUKE 16:9

Ka hung hilh ahi, Dihtatlouhna sum in na lawm diing uh kibawl un; hu a manthai hun chianga kumtuanga umna a nanguh ahung umsah theihna diingun.

LUKE 18:21

Ama’n, Hite zousiah ka naupan apata ka juih veh ahi, a chi a.

LUKE 18:23

Huleh ama’n hi chu a jahin a lungkham mahmah a; ajiahchu mihausa mahmah ahi.

LUKE 9:23

Huleh ama’n a bawnva kawmah, Mi koipouh in ahung juih nuam inchu amah le amah kimumangtop in, nichinin a kros pua in hung jui heh.

PHILIPPITE 3:13

Unaute, kei chu man zouta in ka kisep sih a; hizongleh hi sil khat chu ka bawl hi, nunglama sil umte chu mangngilh in, huleh malam a sil umte chu delh in,

PETER II 3:8

Hizongleh, deihtahte, hi sil khat he lou in um sih un, Lalpa ngaih in ni khat chu kum saangkhat bang ahi a, huleh kum saangkhat zong ni khat bang ahi.