LUKE 18:14 - Thuhun Thah (BSI)

¹⁴ Ka hung hilh ahi, khatpen sangin hipa chu siamtang in a inn ah a chiahsuhta hi; ajiahchu mi amah kingailoupi photmah a ngiam diing a; huleh mi amah kingaingiam photmah chu tawisangin a um diing, a chi a.

LUKE 18:14 Iomraidhean Croise

MATTHAI 23:12

Huleh koipouh a kiliansah chu suhneu ahi diing a; huleh koipouh kingaineu chu tawisangin a um diing hi.

MATTHAI 5:3

Hagau a gentheite a hampha uhi: vaan lalgam amahuh diing ahih jiahin.

LUKE 1:52

Mi haatte chu a laltouna va kipan a lakhia a, mi ngiamte chu a tawisangta hi.

LUKE 10:29

Hizongleh ama’n amah siamkitan utin Jesu kawmah, Ka innveeng koi ahiai? a chi hi.

LUKE 14:11

Ajiahchu koipouh amah kingaisang chu a ngiam diing a; huleh amah kingaingiam chu tawisang in a um diing, a chi a.

LUKE 16:15

Ama'n a kawmvah, Mite mitmuha siamtan tumte na hi uh; hizongleh Pathian in na lungtang uh a he hi; ajiahchu mihing laha paahtawia um chu Pathian mitmuh in sil kihdah huaitah ahi.

ROMETE 3:20

Hujiahin daan silbawlte jiahin koimah Pathian mitmuh in siamtangin a um sih diing uh; bang jiahin ahiai i chih leh daan jiahin sual kiheetna ahung um hi.

ROMETE 4:5

Hizongleh nna tonglou a, Pathian ngaihsahloute siamtangsahpa gingta zaw mi ginna chu dihtatna a ngaih ahi.

ROMETE 5:1

Hujiahin ginna jiaha siamtansah a um in, i Lalpa uh Jesu Khrist jalin Pathian toh kilemin i um uhi.

ROMETE 8:33

Pathian miteelte kua’n ahiai heeh diing? Siamtangsahtu Pathian ahi ngal a.

GALATIATE 2:16

Daan silte bawl jiahin mi siamtang in a um sih a, Jesu Khrist gintaat jiah chauhin siamtang in a um uh chih i he a, en zong daan silbawl jiah hilou a, Khrist ginna jiaha siamtang a i um theihna diingin Khrist Jesu chu i gingta ahi; ajiahchu daan silte bawl jiahin koimah siamtang in a um sih diing hi.

JAKOB 4:10

Pathian mitmuh in kingaingiam un, huchi'n ama’n ahung tawisang diing hi.

JAKOB 4:6

Hihmalahin hehpihna tamsem ahung pia hi. Hujiahin Pathian lehkhathu in, Pathian in mi kisatheite a doudaal a, kingaingiamte kawmah hehpihna a pe veu hi, a chi hi.