LUKE 18:13 - Thuhun Thah (BSI)

¹³ Huleh siahdongtu chu gamlataha dingin, vaanlam zong a en ngam sih a, himahleh, Pathian, kei misual tungah zahngai in, chi'n a awm a tuum a.

LUKE 18:13 Iomraidhean Croise

MATTHAI 10:3

Philip leh Bartholomai; Thoma leh siahdongtu Matthai; Alphai tapa Jakob leh Lebbai, a mintah Thaddai;

MATTHAI 6:5

Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

MATTHAI 9:13

Hizongleh chiah unla, Kithoihna deihlouin zahngaihna ka deih hi, chih umdan va zil un; ajiahchu midihtatte kou diing a hung ka hi sih a, misualte kisiihsah diing a kou a hung ka hizaw hi, a chi hi.

MARK 11:25

Huleh haamtei a na din chiangun, koi tung hitaleh thupoi bang aha na neih unchu ngaidam un; na pa uh vaan a um in zong na tatsualnate uh ahung ngaihdam theihna diingin.

LUKE 17:12

Huleh khua khata a luut leh phaah sawm in ana lamtuah va, amahuh chu gamlapi ah a ding va;

LUKE 22:41

Huin amah chu suang a sehphaah tan diing bangah a chiahtuam a, a khupdin a; huleh a haamtei a;

LUKE 23:48

Huleh hu etnop en diing a hung khawm mipi zousiah in sil umdan a muhun a awm uh tuum kawm kawmin a chiah kiitta uhi.

LUKE 5:8

Simon Peter in hikhu a muh in Jesu keengbulah a puuh a, Lalpa, hung chiahsan in; ajiahchu kei misual ka hi, a chi a.

SILBAWLTE 2:37

Huleh, Hi thu a jah tahun a lungtang va sut bang ahung hita va, Peter leh sawlleh danghaw kawmah, Mite leh unaute, bangchibangin ka bawlta diing viai? a chi va.

ROMETE 5:8

Hizongleh misualte i hihlaia Khrist i luang a ahung sihna ah Pathian in ahung lungsiatna chu phattuaahin a langsahta hi.

KORINTHTE II 7:11

Bang jiahin ahiai i chih leh ngai un, Pathian deihlam banga hi na lungkhamna uh ngei in bangchituha nanguh a pil va ana bawldoh a taimah; ahi, nanguh kisuhsiangnate, ahi, lungthahnate, ahi, launate, ahi, lunggulhnate, ahi, phatuamngaihnate, ahi, phubalahnate! hi silte zousiah ah na siang uh chih na muchiansahta uhi.

TIMOTHI I 1:15

Khrist Jesu chu misualte hundam diingin khovel ah ahung hi chih hi thu gintaat umleh, pomtaah mahmah ahi; hu misualte laha lianpen ka hi.

HEBRAITE 4:16

Hujiahin khotuahna i tan theihna diing uleh, taahsap hun chianga panpihna diinga hehpihna i muh theihna diingun, haangsantahin hehpihna laltouphah chu i naih diing uhi.

HEBRAITE 8:12

Bang jiahin ahiai i chih leh a dihtatlouhnate vah ka khotuah diing a, a sualnate uleh a bohsiatnate u’zong ka he zing nawn sih diing hi, chi'n.