LUKE 17:25 - Thuhun Thah (BSI)

²⁵ Hizongleh hu ma in sil tampi a thuaah diing a, tulai khang thahte deih louh in a um diing hi.

LUKE 17:25 Iomraidhean Croise

MATTHAI 16:21

Hunungsiah chu Jesu’n Jerusalem a, a chiah diing bang, upate, siampu lalte huleh lehkhagialtute laha sil tampi a thuaah diingdan bang, thaha a um diing bang, huleh ni thum ni a, a thoh kiit diing bang a nungjuite a hesah panta hi.

MATTHAI 21:42

Jesu’n a kawmvah, Pathian lehkhabu ah, Inn lamtute suang deih louh, hu suang ngei chu a ning a suang poimohpen ahung hita; huchu Lalpa bawl ahi a, huleh i mitmuh un a thum ah hi, chih thu na sim kha ngei sih u'maw?

MARK 10:33

Ngai un, Jerusalem khua a chiahtou diing i hi uh; huleh mihing Tapa chu siampu lalte leh lehkhagialtute kawmah matsah in a um diing; huleh amah chu si diingin siamlouh a tangsah diing va, Jentelte khutah a pekhe diing uh;

MARK 12:10

Hi Pathian lehkhabu thu, Inn bawlte’n a suang deih louh u’chu a ning a suang poimohpen ahung hita hi.

MARK 8:31

Huleh ama’n a kawmvah, Mihing Tapa in sil tampi a thuaah diing bang, upate leh, siampu lalte leh, lehkhagialtute deih louh a, a um diing bang, thah a, a um diing bang, huleh ni thum ni a, a thohkiit diing haw bang a hilh panta hi.

MARK 9:31

Ajiahchu a nungjuite thu a hilh a, a kawmvah, Mihing Tapa chu mite khut ah a kipedohta, huchi'n a that diing va, huleh a sih nung ni thum ni in a thou kiit diing, a chi a.

LUKE 18:31

Huin ama’n sawmlenihte a puituam a, a kawmvah, Ngai un, Jerusalem khua a chiahtou diing i hi a; mihing Tapa tungtaang thu a zawlneite thugelh zousiah ahung taangtung diing hi.

LUKE 18:33

Huleh a vo diing va, a that diing uh; huleh ni thum ni’n a thou kiit diing, a chi a.

LUKE 24:46

Huleh ama’n a kawmvah, Hichibanga gelh ahi, Khrist in gim a thuaah diing a, ni thum ni a misi laha kipan a thohkiit diing him ahi;

LUKE 9:22

Mihing Tapa’n chu sil tampi a thuaah ngei diing ahi a; upate leh siampu lalte leh lehkhagialtute deih louhin a um diing a, thahin a um diing, huleh ni thum ni’n kaihthohin a um diing ahi, chi in.

JOHN 1:11

Amah a mite kawmah a hung a, amah a mite’n ana kipaahpih sih uh.

JOHN 12:38

Zawlnei Isaiah in, Lalpa, ka thusoi uh koi ahiai gingta? huleh Lalpa khut zong koi kawmah ahiai a kilat? chia a soi ahung taangtun theihna diingin.