LUKE 17:24 - Thuhun Thah (BSI)

²⁴ Ajiahchu kawlphe vaan nuai langkhata a pheta, vaan nuai lehlam tanpha a salhvaah mahbangin mihing Tapa zong ahung niin ahi diing.

LUKE 17:24 Iomraidhean Croise

MATTHAI 24:27

Ajiahchu chu nisuaahna lama kawl ahung phet a ni tumnalam tana a salhvaah bangin, mihing Tapa hung kiitna zong huchimah bang diing ahi.

MATTHAI 24:30

Hu hun chiangin vaan ah mihing Tapa chiamchihna chu ahung kilang diing a; hutahchiangleh lei tunga jat zousiah in a suun diing uh, huleh mihing Tapa chu silbawltheihna leh gualzohna loupi toh vaan mei tunga hung a mu diing uhi.

MATTHAI 25:31

Mihing Tapa chu angel siangthou zousiah toh a loupina a, a hung chiangin amah chu a loupina laltouphah tungah a tou diing hi;

MATTHAI 26:64

Jesu’n a kawmah, Na chita hi: himahleh ka hung hilh ahi, Tunung chiangleh mihing Tapa silbawltheihna jiatlama tou leh, vaan mei tunga hung na mu diing uhi, a chi a.

MATTHAI 5:15

Mi’n thaumei de in loh a khuhkhum ngei sih uh, a tunna ah a koih zaw uhi; huchi'n inn sunga mi um zousiah a salhvaah hi.

KORINTHTE I 1:8

Ama’n i Lalpa uh Jesu Khrist ni chianga soiselbei a na um theihna diingun a tawp dongin zong ahung sukip diing hi.

THESSALONIKATE I 5:2

Ajiahchu nanguh mahin Lalpa ni chu jan a guta bangin ahung tung diing hi chih chiantah in na he uhi.

THESSALONIKATE II 2:2

Lalpa ni chu ahung tung zouta chihna hagau in aha, thu in aha, huleh kei u’a kipana lehkhathot in aha a na lungtang uh suhliing a umpah a, ahihlouhleh buai lou diingin.

THESSALONIKATE II 2:8

Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi.

JAKOB 5:8

Nanguh zong kuhkaltahin um un; na lungtang uh sukip un; ajiahchu Lalpa hungna diing a naita hi.

PETER II 3:10

Hizongleh Lalpa ni chu jan a guta bangmahin ahung tung diing hi; hu ni chiangin, vaante chu nasataha ging in a mang diing a, huleh silbulte chu mei a haaitui ahi diing, lei zong a sunga natoh umte toh haalmang in a um diing hi.