LUKE 17:2 - Thuhun Thah (BSI)

² Hi mineute laha khat zong a suhpuuh sangin a ngawng ah buh gawi zanna suang ohsah in tuilianpi ah kipaailuut leh amah diingin a hoihzaw diing hi.

LUKE 17:2 Iomraidhean Croise

MATTHAI 17:27

Hitamahleh, nang tuipiah va chiah inla, ngakuai vakhai inla, nga na khaidoh masatpen la in; huleh a kam keeh lechin dangka tengkhat na mu diing; huchu la inla, kei leh nang a dingin a kawmvah pia in, huchilou inzaw i sulunghimohkha diing, a chi hi.

MATTHAI 18:10

Hi mineute laha khat zong simmoh lou diingin pilvaang un; ajiahchu a angelte un vaan a um ka Pa meel a en zing uhi, chih ka hung hilh ahi.

MATTHAI 18:14

Huchimah bangin hi mineute laha khat zong a manthai diing hi na Pa uh vaan a um deihlam ahi sih hi.

MATTHAI 26:24

Mihing Tapa chu a tanchin kigial bang jelin a pai diing ahi; hizongleh mihing Tapa mansah diingpa tung a gih hi! hupa chu ana pianglou hileh amah diingin a hoihzaw diing hi, a chi a.

MARK 9:42

Huleh koipouh kei hung gingta hi naupang neutatate laha khat zong supuuh chu, a ngawngah sumheeh suang lianpi ki-ohsah henla, tui khang lian ah kipaailuut leh amah diingin a hoihzaw diing hi.

JOHN 21:15

Huchi'n an a neeh zohun Jesu’n Simon Peter kawmah, Simon, Jona tapa, hite sangin kei na hung lungsiat zaw ei? a chi a. Ama’n a kawmah, Hi, Lalpa; ka hung lungsiat hi chih na he hi, a chi a. Ama’n a kawmah, Ka belaam noute vaah in, a chi a.

KORINTHTE I 9:15

Hizongleh ke’n chu hi silte khatbeeh ka zang sih; huleh hi silte ka tungah kibawlleh chia gelh zong ka hi sih hi; ajiahchu koiaha in ka kisuannapen bangmahlou a, a bawl sangin, kei di’n sih a hoihzaw hi.

KORINTHTE I 9:22

Mi haatloute ka laahluut theihna diingin, mi haatloute kawmah haat lou bangin ka um hi; bangchizawng aha a mi khenkhat beeh ka hutdam theihna diingin mi zousiah kawmah sil bangkimin ka kibawl hi.