LUKE 17:1 - Thuhun Thah (BSI)

¹ Huin ama’n a nungjuite kawmah, Puuhnate um lou thei ahi sih; hizongleh puuhna umsahtu tung a gih hi!

LUKE 17:1 Iomraidhean Croise

MATTHAI 16:23

Hizongleh amah chu a kihei a, Peter kawmah, Setan, ka nungah pai in; kei diingin puuhna na hi; nang Pathian silte ngaihtuah louin mihing silte na ngaihtuah zawh jiahin, a chi a.

MATTHAI 18:7

Puuhnate jiahin khovel tung a gih hi! puuhnate chu hung um diing mawng ahi a; hizongleh puuhna umsahtu tung a gih hi!

LUKE 16:31

Ama’n a kawmah, Mosi leh zawlneite thu a ngaihkhiah nuam louh uleh misi lah apat mi khat thou kiit mah zongleh a tahsang tuan sih diing uhi, a chi a.

ROMETE 14:13

Hujiahin khat leh khat i kisoisel nawn sih diing a, hizongleh koipouh in a unau kisuihna diing aha, ahihlouhleh kipuuhna diing bangmah bawl louhna diing ngaihtuah zaw hen.

ROMETE 16:17

Huleh unaute, kihilhna daan nanguh hung kihilh louh zawng a kikhenna leh puuhna siamdohtute meelchih diing leh kiheisan diingin ka hung ngen hi.

KORINTHTE I 10:32

Judate aha, Jentelte aha, ahihlouhleh Pathian kouhtuamte hitaleh a puuh na diingun bangmah bawl sih un.

KORINTHTE I 11:19

Ajiahchu a taha kipomte a kilat theihna diingin na lahvah gindan tuamtuam zong a um diing mawng ahi.

KORINTHTE I 8:13

Huchihjiahin, neehin ka unau a suhpuuh inchu, ka unau puuh louhna diingin bangchihtan in sa mawngmawng ka ne sih diing hi.

TIMOTHI I 4:1

Hizongleh hun nunung lam chiangin mi khenkhatte’n puimangna hagaute leh dawite thuhilhna ngaihsah in, ginna chu a tawpsan diing uh chih Hagau in chiantahin a soi hi;

THUPHUANDOH 2:14

Hizongleh demna sil themkhat ka hung nei hi, ajiahchu Balaam thuhilhna juite huah na umpih a, ama’n chu Israel tate ma a puuhna siam diing leh, milim biahna sa ne diing leh, aangkawmna sual bawl diingin Balak a thuhilh hi.

THUPHUANDOH 2:20

Ahihvangin demna sil themkhat ka hung nei hi; hu numei Jezebel na ngaihtheih jiahin, ama’n amah le amah zawlnei ka hi kichi'n ka suaahte aangkawmna sual bawl diing leh, milim biahna sa ne diingin a hilh a, a heemgawp hi.