LUKE 16:16 - Thuhun Thah (BSI)

¹⁶ Daan leh zawlneite thu John hung um tanchiang a um a; hu kalsiah chu Pathian gam tanchinpha a kisoi a, huleh mi chinin huah pawng luut haam a sawm uhi.

LUKE 16:16 Iomraidhean Croise

MATTHAI 10:7

Huleh na chiah kawmun, Vaan lalgam a naita hi, chi’n soi jel un.

MATTHAI 15:11

Kam a luut in mi a suniin sih; hizongleh kam a pawt in, hu ngei in mi a suniin hi, a chi a.

MATTHAI 21:32

Ajiahchu John chu dihtatna lam thu ah na kawmvah a hung a, amah na gingta sih uh; hizongleh siahdongte leh nohchizuahte’n amah a gingta uhi; huleh nangun hu na muh un, amah na gintaatna diingun na kisiih nuam tuan sih uhi.

MATTHAI 3:2

Kisiih un; ajiahchu vaan lalgam a naita hi, chia soi in.

MATTHAI 4:17

Hu huna kipanin Jesu in, Kisiih un; ajiahchu vaan lalgam a naita hi, chi'n thusoi a panta a.

MATTHAI 4:23

Huleh Jesu chu Galili gam pumpi ah a vaah lehleh a, a kikhopna inn bang vah thu a hilh a, lalgam tanchinpha soi in, mite laha natna chinteng leh damlouhna chinteng a sudam jel hi.

MARK 1:14

Huchi'n John suangkul a, a khum nungun, Jesu chu Pathian gam Tanchinpha soiin Galili gam ah a hung a,

MARK 1:45

Hizongleh amah chu a chiahdoh a, hu thu nasatah a taangkoupihin a phuangdalh panta hi; huchi'n Jesu chu a langtangin khopi sungah a luut theita sih a, gamdai munte ah a um zawta a; huleh mun chin a kipanin a kawmah mite ahung uhi.

LUKE 10:11

Na kho leivui uh ka keengpeeh va baang nasan na tungvah ka taatsiang uh; ahihvangin Pathian gam na kawmvah ahung tungta chih he un, chi un.

LUKE 10:9

Hu a damlou umte chu sudam unla, a kawmvah, Pathian gam na kawmvah ahung tungta, chi jel un.

LUKE 16:29

Abraham in a kawmah, Amahun Mosi leh zawlneite a nei uh; hute thu ngaikhia u’heh, a chi a.

LUKE 16:31

Ama’n a kawmah, Mosi leh zawlneite thu a ngaihkhiah nuam louh uleh misi lah apat mi khat thou kiit mah zongleh a tahsang tuan sih diing uhi, a chi a.

LUKE 9:2

Amah u’chu Pathian gam thu soi diing leh damloute sudam diingin a sawlkheta hi.

JOHN 1:45

Philip in Nathanael a mu a, a kawmah, Mosi in daan lehkhabu a, a tungtaang ana gelh leh, zawlneite’n ana gelh uh Nazareth Jesu, Joseph tapa chu ka muta uh, a chi a.

JOHN 11:48

Hichibanga i hahjan unchu mi zousiah in amah a gingta diing va, huleh Romemite ahung diing a, i mun leh chite ahung laahsah diing uh, a chi uh.

JOHN 12:19

Hujiahin Pharisaite a kihou va, Bangma na loh thei sih uh chih na he viai? en un, khovel in amah a juita hi, chi'n.

JOHN 5:4

Ajiahchu hun chihkhat chiangin angel khat hu diil ah a chiahsuh a, tui a vatoh veu a, huchi'n koipouh tui kitoh nunga luut masapen chu bangchi bang natna nei hizongleh suhdam in a um veu hi.

SILBAWLTE 3:18

Hizongleh, Pathian in a zawlnei zousiah kam a, Khrist in a thuaah ngei diing ahi chih ana heetlawhsah chu, huchi bangin a tungsahta ahi.