LUKE 16:15 - Thuhun Thah (BSI)

¹⁵ Ama'n a kawmvah, Mite mitmuha siamtan tumte na hi uh; hizongleh Pathian in na lungtang uh a he hi; ajiahchu mihing laha paahtawia um chu Pathian mitmuh in sil kihdah huaitah ahi.

LUKE 16:15 Iomraidhean Croise

MATTHAI 23:5

Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh;

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:2

Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 6:5

Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

LUKE 10:29

Hizongleh ama’n amah siamkitan utin Jesu kawmah, Ka innveeng koi ahiai? a chi hi.

LUKE 11:39

Lalpa’n a kawmah, Nanguh Pharisaite’n nou leh kuang polam na silsiang ngei va; hizongleh na sunglam u’chu leepguuhna leh giitlouhna in a dim hi.

LUKE 18:11

Pharisaipa chu a dinga, amah chauhin a haamtei a, Pathian, midang negute, tawn dihloute, aangkawmte bang ka hih louha, hi siahdongtu bang zong ka hih louh jiahin na tungah ka kipaah hi.

LUKE 18:14

Ka hung hilh ahi, khatpen sangin hipa chu siamtang in a inn ah a chiahsuhta hi; ajiahchu mi amah kingailoupi photmah a ngiam diing a; huleh mi amah kingaingiam photmah chu tawisangin a um diing, a chi a.

LUKE 18:21

Ama’n, Hite zousiah ka naupan apata ka juih veh ahi, a chi a.

LUKE 18:9

Huleh ama’n mi amahuh midihtat a kingaihtuaha midangte musit koite aha kawmah hi tehkhinthu a soi a.

LUKE 20:20

Huin amah chu a taang va, gam optu vaihawmna leh thuneihna a, a tut theihna diingun a thusoi khial man diingin midih kipang enkhemi a sawlkheta uh.

LUKE 20:47

Meithaite innsung a negam va, mi heemna in sawtpipi a haamtei uh; huchibang mite’n chu siamlouh a hahtan sem diing uhi, a chi a.

JOHN 2:25

Huleh mihing sunga um a heet jiahin mihing thu koimah hilhchet a kiphamoh sih hi.

JOHN 21:17

Ama’n a thumveina a kawmah, Simon Jona tapa, na hung lungsiat ei? a chi a. Ama’n a kawma a thumveina, Na hung lungsiat ei, a chih jiahin Peter chu a lungkham a. Huin ama’n a kawmah, Lalpa nangin sil zousiah na he a; ka hung lungsiat hi chih na he hi, a chi a. Jesu’n a kawmah, Ka belaamte vaah in,

SILBAWLTE 1:18

Huleh, hipa’n a sualna man in mun khat a lei a; huleh, a bohkhupin a kia a, a lai ah a pawhkeeh a, a gil zousiah a pawt vehta hi.

SILBAWLTE 1:24

Huleh, a haamtei va, Nang, Lalpa, mihing zousiah lungtang hetu, hi nihte laha kua zaw ahiai na teel, hung hesah in,

SILBAWLTE 15:8

Huleh lungsim hetu Pathian in eihaw ahung piah bangmahin Hagau Siangthou a kawmvah a pia a, a heetpihta hi.

ROMETE 3:20

Hujiahin daan silbawlte jiahin koimah Pathian mitmuh in siamtangin a um sih diing uh; bang jiahin ahiai i chih leh daan jiahin sual kiheetna ahung um hi.

ROMETE 8:27

Huleh Pathian deihzawng banga misiangthoute diinga a ngetsah jiahin, amah lungtang entu in Hagau deihzawng bang ahiai chih a he hi.

KORINTHTE I 4:5

Hujiahin a hun ma in, Lalpa hung masiahin, bangmah enkhe sih un, ama’n chu mial a sil kiphualte vaah ah ahung podoh diing a, huleh lungtang a ngaihtuahte zong ahung sulang diing hi; hu hun chiangin michin in Pathian phatna a tang chiat diing uhi.

PETER I 3:4

Lungtang a mihing thuguuh, lungsim thunuaigolh leh nunnem puansilh sethei lou hi heh, huchu Pathian mitmuh in a manpha mahmah hi.

PETER I 5:5

Huchimahbangin nanguh khanglaite, upate nuaiah kituluut un. Ahi, na bawnun khat leh khat kithumangtuah chiat unla, kingaihngiamna in kithuam un; ajiahchu Pathian in mi kiliansahte a doudaal a, mi kingaingiamte chu hehpihna a pia hi.

THUPHUANDOH 2:23

Huleh a tate chu sihna in ka that diing a; huleh kouhtuam zousiah in kei chu lungsimgil leh lungtang hawlpa ka hi chih a he diing uh; huleh na bawnun na natoh dungjuiun ka hung pe chiat diing hi.