LUKE 14:27 - Thuhun Thah (BSI)

²⁷ Huleh koipouh amah kros kipuaah a hung jui lou chu ka nungjui ahi thei sih diing hi.

LUKE 14:27 Iomraidhean Croise

MATTHAI 10:38

Huleh koipouh a kros pua a, hung jui lou chu, ka mi hitaah ahi sih hi.

MATTHAI 13:21

Ahihvangin amah a zung a neih louh jiahin, tomkhat chauh a um a; thu jiaha gimthuaahna bang, sawina bang ahung um chiangin a puuhpah veu hi.

MARK 10:21

Huin Jesu’n amah a en a, a lungsiat a, a kawmah, sil khat na sam nalai hi; chiah inla, na neih photmah zuah inla, migentheite kawmah pia in, huchi'n vaan ah gou na nei diing; huleh hung inla, kros pua in hung jui in, a chi a.

MARK 15:21

Huleh mi pailai khat, gam lama kipana hung, Cyrene gam mi Simon, Alexander leh Rufa pa chu a kros po diingin amah va.

LUKE 14:28

Nanguh koipouh innsaang lam tum in a lam zohna diing a neih leh neih louh heetna diing a tou masa phot a, a luut diing zah hisaap bawl lou diing koi na um viai?

JOHN 19:17

Huleh amah chu a kros kipuaahin, Luguh kichi, Hebrai haama Golgotha kichi munah a chiah a;

SILBAWLTE 14:22

Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi.

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

TIMOTHI II 3:12

Ahi, mi Khrist Jesu a Pathian ngaihsah a umtum zousiah in sawina a thuaah diing mah ahi.