LUKE 14:26 - Thuhun Thah (BSI)

²⁶ Mi koipouh ka kawma hungin, a pa, a nu, a ji, a tate, a unaupa, a sanggamnu huleh amah hinna nasan a huat louhleh ka nungjui ahi thei sih diing,

LUKE 14:26 Iomraidhean Croise

MATTHAI 10:37

Koipouh a pa aha, a nu aha keimah sanga lungsiat zaw chu ka mi hitaah ahi sih: huleh a tapa aha, a tanu aha keimah sanga lungsiat zaw chu ka mi hitaah ahi sih.

LUKE 14:20

Huleh a dang khat in, ji ka neita a, hujiahin ka hung thei sih hi, a chi a.

LUKE 14:25

Huleh mipi nasatahin amah a tonpih va; huleh amah chu a kinunghei a, a kawmvah,

JOHN 12:25

Koipouh a hinna it in a taan diing a, huleh koipouh hi leitung a a hinna huain kumtuang hin dongin a humbit diing.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

ROMETE 9:13

Jakob ka lungsiat a, himahleh Esau chu ka mudah hi, chih gelh bangin.

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

THUPHUANDOH 12:11

Huleh amahun Belaamnou sisan jiah leh, a heetpihna thu uh jiahin amah chu a zouta va; huleh sih tanphain a hinna uh a it sih uhi.