LUKE 13:32 - Thuhun Thah (BSI)

³² Ama’n a kawmvah, Chiah unla, hu si-aal kawmah hi thu va soi un, Ngai in, tuni leh jingchiang dawite nohdoh in natnate sudam in ni thum niin ka zou diing hi.

LUKE 13:32 Iomraidhean Croise

MARK 6:14

Huleh kumpipa Herod in a tanchin ana ja a; (a min a than taah jiahin), Baptistu John misi laha kipan in ahung thou kiitta a, hujiahin sil loupite bawl theihna amah ah um in ahung kilang ahi, a chi a.

JOHN 10:32

Jesu’n a kawmvah, Na hoih tampi ka Pa akipanin nanguh ka hung musah a, hu nnate laha khoipen jiahin ahiai suang a na hung sehtum uh? a chi a a dawng a.

JOHN 19:30

Huin Jesu’n uain thuuh a dawn zohin, Joh ahita, a chi a; huin a lu a kuun a, hagau a hahta hi.

HEBRAITE 2:10

Bang jiahin ahiai i chih leh a diing a sil zousiah um a, a vang a bangkim umpa a diingin chu, ta tampite loupina a puiluutna a a hutdamna uh siamtu chu gimthuaahnate jala suhbukim hi a kilawm mawng ahi.

HEBRAITE 5:9

Huleh suhbukima hung um in, a thumangte zousiah diingin kumtuang a hutdamna siamtu ahung hita hi;

HEBRAITE 7:28

Ajiahchu daanin mihing haatlouhna neite siampu in a siam veu hi; hizongleh kihaahsial thu, daan nung a hung um in chu, Tapa, kumtuang a diing a suhkimsa chu a guat zawta hi.