LUKE 13:15 - Thuhun Thah (BSI)

¹⁵ Huphetin Lalpa’n amah a dawng a, Nang milepchiah, khawlni in na bawng uh aha, na sabiltung uh aha, a khihna apat suut in tui dawnsah diingin na puikhe veu uh hilou ahiai mah?

LUKE 13:15 Iomraidhean Croise

MATTHAI 15:14

Hite haw ngaihsah sih un; amahuh chu mittaw lamkaite ahi uhi. Mittaw in mittaw mah a pui inchu, kokhuuh ah a kekhawm diing uh, a chi a.

MATTHAI 15:7

Nanguh milepchiahte aw, Isai in, na tungtaang thu uh ana soilawh kha ngeel hi.

MATTHAI 23:13

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi.

MATTHAI 23:28

Hutobangmahin nanguh zong polama mihing mitmuh in, dihtat bangin na lang va, hizongleh na sunglam uh chu lepchiahna leh giitlouhna in a dim hi.

MATTHAI 7:5

Nang milepchiah, nangmah mit apat innkam chu lakhe masa in; huchi’n na unau mit a chiangthem laahdoh diing chu na muchian thei diing hi.

LUKE 12:1

Huchiah laia mipi simseeng louh khat leh khat kituanchil khop hiala ahung kikhop laiun, ama’n a masapenin a nungjuite kawmah, Pharisaite tol, lepchiahna lahah kiveeng un.

LUKE 14:5

Huin a kawmvah, Na lahva kua’n ahiai na sabiltung uh aha, na bawngtal uh aha kokhuuh ah ke taleh, khawlni a zong kaidoh lou diing? a chi a.

LUKE 6:42

Nangmah mit a innkam mu loupi a, na unaupa kawma, Unaupa, na mit a niinthem um hung lakhesah in, bangchi a chithei na hiai? Nang milepchiah, na mit a inkam um chu lakhe masa in, huchileh na unaupa mit a niinthem laahkhiah diing chiantahin na mu thei diing hi.

LUKE 7:13

Huleh Lalpa’n amahnu a muh tahin a hehpih mahmah a, huchi'n a kawmah, Kap sin, a chi a.

LUKE 7:19

Huin John in a nungjuite laha mi nih a kou a, Jesu kawmah a sawl a, Ahung diingpa chu na hiai mah? ahihlouhleh midang hungaih nalai diing ka hi viai mah? chi'n.