LUKE 12:4 - Thuhun Thah (BSI)

⁴ Huleh nanguh ka lawmte, ka hung hilh ahi, Tahsa sulumtheia, huzohchianga bangmah dang bawltheih nei nawnloute lau sih un.

LUKE 12:4 Iomraidhean Croise

MATTHAI 10:28

Huleh tahsa that thei a, hagau that thei lou haw chu lau sih un; hizongleh hagau leh tahsa a nih a gawtmun a sumang theitu amah chu lau zaw un.

JOHN 15:13

Mi’n a lawmte’ diing a hinna a piah sanga lianzaw lungsiatna koima’n a nei sih hi.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

SILBAWLTE 4:13

Huleh, Peter leh John haansandan a muh va, huleh, lehkha siamlou leh mi mawltah ahi uh chih a heet un, thumah a sa mahmah va; Jesu kawmah ana umta uh chih a heta uhi.

PHILIPPITE 1:28

Huleh bangmah ah na meelmate uh sulau in um sih un; huchu amahuh diing a manthaina chiamchihna dihtah ahi a, hizongleh nanguh diingin chu hutdamna, huleh huchu Pathian a kipan ahi.

JAKOB 2:23

Huleh Pathian lehkhathu, Abraham in Pathian a gingta a, huchu a dihtatna sim ahi, chih thu a taangtung a; huleh amah chu, Pathian lawm chih ahita hi.

PETER I 3:14

Hizongleh dihtatna jiaha na thuaah uleh na hampha uhi; ahung vauna uh lau sih unla, lung zong lungkham sih un.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.