LUKE 12:19 - Thuhun Thah (BSI)

¹⁹ Huleh ka hagau kawmah, Hagau, kum tampi sunga diing thuampua tampi na neita a; kitawlnga inla, ne in, dawn in, huleh nuamtahin um in, ka chi diing, a chi a.

LUKE 12:19 Iomraidhean Croise

LUKE 12:18

Huin, Hikhu ka bawl diing, ka buh innte ka phel diing a, a lianzaw ka lam diing; huleh huah ka buh leh baalte leh ka thuampua zousiah ka koih diing;

LUKE 16:19

Mi hausa koiaha a um a, puan sandup leh puan malngaat a silh a, ni chinin nuamsatahin a um a.

LUKE 21:34

Pilvaang un; huchilou inchu neeh vah taahluat leh, zukham leh, damsung khosah ngaihtuahna in na lungtang uh a dim talokha diing a, huchi'n hu ni na heet louh kalun ahung tung guih kha diing hi.

KORINTHTE I 15:32

Mihing tatdan bang a Ephesa a gamsate kisualpih ka hihleh, kei diingin bang a phatuam diai misite thou kiit lou ahihleh? nein i dawn diing uh; ajiahchu jing chiang a si diing i hi.

PHILIPPITE 3:19

A tawpna u’chu manthaina ahi a, a Pathian u’chu a gilpi uh ahi, huleh a loupina u’zong a zumna uh ahi, leilam silte a ngaihtuah uhi).

TIMOTHI I 5:6

Hizongleh amah nopsahna a hingnu chu, a damlai in zong si ahi.

TIMOTHI I 6:17

Hi khovel a mihausate chu kisathei lou diing leh, hauhsatna kiplou a muanna nga loua, sil zousiah i kipaahna diing a kichingtah mei a hung petu Pathian tunga nga zaw diingin;

TIMOTHI II 3:4

Leptatte, ngongtatte, kingaisangte, Pathian lungsiat sanga amahuh kipaahna ngaina zote bang ahi diing uhi.

JAKOB 5:5

Khovel ah nuamsatahin na um va, na kimawh zat meimei va; goh ni a bangin na lungtangte uh na thausah uhi.

PETER I 4:3

Ajiahchu huuhnate, utnate, uain hainate zumun nopnate, ankuang luinate, huleh milem biahna kihdahhuaite a i umlai a, Jentelte deihzawng bawlna i tumalai hinkhuate uh a hunta hi;

THUPHUANDOH 18:7

A kiloupisahdan leh, a noptatdan bangjel in bawlgim unla, sulungkham un; ajiahchu ama’n a lungtang in, Kumpinu in ka tou a, meithai ka hi sih, ka lungkham ngei sih diing, a chi hi.