LUKE 12:17 - Thuhun Thah (BSI)

¹⁷ Huchi'n a lungsim in a kingaihtuah a, Ka buh le baal koihna diing lah ka nei sih a, bang loh diing ka diai? a chi a.

LUKE 12:17 Iomraidhean Croise

MATTHAI 16:7

Huleh amahun chu, Tanghou i puaah louh jiahin ahi ve, chi'n a kingaihtuah va.

MATTHAI 5:42

Na kawma ngen chu pia inla, huleh ahung thunglaah ut chu kiheimangsan sin.

LUKE 10:25

Huleh ngai in, daantheimi khat a dingdoh a, amah ze-etna in, Houtupa, kumtuang hinna ka neih theihna diingin bang ahiai ka bawl diing? a chi a.

LUKE 11:41

Hizongleh na sil neihte uh migentheite kawmah pezaw un; huleh ngai un, sil zousiah nanguh diingin a siang hi.

LUKE 12:16

Huleh ama’n a kawmvah tehkhinthu khat a soi a, Mi hausa koi ahakhat chu a loua piang ahung pung mahmahta a.

LUKE 12:18

Huin, Hikhu ka bawl diing, ka buh innte ka phel diing a, a lianzaw ka lam diing; huleh huah ka buh leh baalte leh ka thuampua zousiah ka koih diing;

LUKE 12:22

Huin ama’n a nungjuite kawmah, Hujiahin ka hung hilh ahi, Bang ahiai ka neeh diing, chi'n na hinna diing uleh; bang ahiai ka silh diing, chi'n na tahsa diingun lungkham sih un.

LUKE 12:29

Huleh na neeh diing uh aha, na dawn diing uh aha hawl sih un; ginlahna lungsim nei in zong um sih un.

LUKE 12:33

Na neih pouh uh zuah unla, migentheite kawmah pia un; vaan ah guta chiah louhna leh, leikha neehsiat louhna ah, dangka ip lui thei lou leh gou sethei lou kikhol zaw un.

LUKE 16:3

Huin sumkoltupa’n a lungsim in, Bang chi diing kata’i? ka pu in lah ka sumkol hung tawpsah diing ahita a; lei toh lah peih lou ing a; khutdoh diing lah zum inga.

LUKE 16:9

Ka hung hilh ahi, Dihtatlouhna sum in na lawm diing uh kibawl un; hu a manthai hun chianga kumtuanga umna a nanguh ahung umsah theihna diingun.

LUKE 18:22

Jesu’n hi thute a jah tahin, a kawmah, Sil khat na sam nalai hi, na neih zousiah zuah inla mi zawngte kawmah hawmin, huchi'n vaan ah gou na nei diing; huleh hung inla, hung jui in, a chi a.

LUKE 19:17

Ama’n a kawmah, Hoih e, nang suaah pha; sil tawmtakhat tunga na ginum jiahin kho sawm tungah vaihawmtu in pangin, a chi a.

LUKE 3:11

Ama’n a dawng a, a kawmvah, Koipouh puannaah nih nei in a nei lou hawm heh; huleh neeh diing nei in zong huchibang mahin bawl heh, a chi a.

SILBAWLTE 16:30

Huleh amahuh chu ahung puidoh a, Pute, hutdama umna diingin bang ahiai ka bawl diing? a chi a.

SILBAWLTE 2:37

Huleh, Hi thu a jah tahun a lungtang va sut bang ahung hita va, Peter leh sawlleh danghaw kawmah, Mite leh unaute, bangchibangin ka bawlta diing viai? a chi va.

ROMETE 12:13

Misiangthoute taahsapna awng huhsah unla; mikhualte kipaahpih zing un.

TIMOTHI I 6:17

Hi khovel a mihausate chu kisathei lou diing leh, hauhsatna kiplou a muanna nga loua, sil zousiah i kipaahna diing a kichingtah mei a hung petu Pathian tunga nga zaw diingin;

JOHN I 3:16

Hikhu ah Pathian lungsiatna i hethei uhi, ama’n eiuh diinga a hinna a piahkhiah jiahin; huleh eiun zong unaute diinga i hinna i piah ve diing uh ahi.