LUKE 11:4 - Thuhun Thah (BSI)

⁴ Ka sualnate uh hung ngaidam in; kei un zong ka leibate uh photmah ka ngaihdam jiahun; Heemna ah hung puiluut sinla, gilou lah apat hung hunkhe zaw in, chi un, a chi hi.

LUKE 11:4 Iomraidhean Croise

MATTHAI 18:35

Nanguh koipouh in na lungtang tah va na unaute a tatleehna uh na ngaihdamlouh uleh, Vaan a um ka Pa’n zong huchibangin na tungvah a bawl ve diing ahi, a chi hi.

MATTHAI 26:41

Heemna a na luut louhna diingun kiging zingin haamtei un; hagau in chu a peih a, tahsa chu a haat sih hi, a chi a.

LUKE 11:5

Huleh ama’n a kawmvah, Na lahva koiaha in lawm khat nei henla, jan khang laiin a kawma va chiahin, Lawm, tanghou beu thum hung thunglaahsah in;

LUKE 13:4

Ahihlouhleh Siloam innsaang in a puuhkhum a, a netlup mi sawmlegiatte zong Jerusalem khua a um zousiah sanga misual diahkhol hia ngaituah na hi viai mah?

LUKE 22:46

Huin a kawmvah, Bang diinga ihmu na hi viai? Heemna-a na luut louhna diingun thou unla haamtei un, a chi a.

LUKE 8:13

Suang tungate chu hichi bangte ahi uh, a jah tahun thu chu kipaahtahin a pom va; huleh hite’n chu zung a nei sih a, tomkhat sunga gingta va, heemna a tuaah chiangun a puuh veu uhi.

JOHN 17:15

Amahuh khovel a kipana lamang diingin ka hung ngen ahi sih a, hizongleh migiloupa apat veeng diingin ka hung ngen ahi zaw hi.

KORINTHTE I 10:13

Mihing thuaahzoh val heemna na tungvah a tung ngei nai sih, hizongleh Pathian chu a muanhuai hi, ama’n na thuaahzoh val uh heemna na tuaah diing uh a phal sih diing; na thuaahzoh na diingun heemna toh kitonin taikhiahna lampi zong ahung siamsah zo diing hi.

KOLOSSITE 3:13

Khat leh khat kithuahtheituah unla, kingaidamtuah un; khat in khat tunga thubuai bang na neih uleh, Khrist in nanguh ahung ngaihdam bangin nanguh zong kingaidam un.

THESSALONIKATE II 3:3

Hizongleh Lalpa chu a ginum a, ama’n nanguh ahung sukip diing a, migilou lahah ahung veeng diing hi.

TIMOTHI II 4:18

Huleh Lalpa’n migilou chinteng laha kipanin ahung suahtasah diing a, a vaangam ah bittahin ahung tut diing hi; a kawmah kumtuang kumtuang in loupina umta hen. Amen.

JAKOB 2:13

Ajiahchu khotuahna nei lou mi chu khotuahna bei a vaihawmsah in a um diing hi; huleh khotuahna chu vaihawmna ah a kisathei veu hi.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 3:10

Ka kuhkalna thu na kol zing jiahin leitung a um mite etkhiahna diinga khovel pumpi a hung tung diing heemna hun a kipanin ke'n zong ka hung veengbit diing hi.