LUKE 11:39 - Thuhun Thah (BSI)

³⁹ Lalpa’n a kawmah, Nanguh Pharisaite’n nou leh kuang polam na silsiang ngei va; hizongleh na sunglam u’chu leepguuhna leh giitlouhna in a dim hi.

LUKE 11:39 Iomraidhean Croise

MATTHAI 15:19

Ajiahchu lungtang a kipatin ngaihtuahna giloute, tualthahnate, aangkawmnate, kingaihnate, guuhtaatnate, a tahlou heetpihnate, soisiatnate ahung pawt veu hi.

MATTHAI 7:15

Zawlnei tahloute na lahva belaam vun silha hung a, hizongleh a sungnunglam va ngei haangsantah hingalte lahah pilvaang un.

LUKE 16:15

Ama'n a kawmvah, Mite mitmuha siamtan tumte na hi uh; hizongleh Pathian in na lungtang uh a he hi; ajiahchu mihing laha paahtawia um chu Pathian mitmuh in sil kihdah huaitah ahi.

LUKE 7:13

Huleh Lalpa’n amahnu a muh tahin a hehpih mahmah a, huchi'n a kawmah, Kap sin, a chi a.

LUKE 7:19

Huin John in a nungjuite laha mi nih a kou a, Jesu kawmah a sawl a, Ahung diingpa chu na hiai mah? ahihlouhleh midang hungaih nalai diing ka hi viai mah? chi'n.

JOHN 12:6

Hichu ama’n tagahte a khawhsahpih jiah hilouin, guta ahi a, dangka-ip a kol a, huleh a sunga kikoih a laah veu jiahin a soi ahi zaw hi.

JOHN 13:2

Huin nitaah an neeh laiin diabol in Simon tapa Juda Iskariot lungtang ah Jesu matsah diing a ngaihtuahsah a.

SILBAWLTE 5:3

Hizongleh Peter in, Anania, Hagau Siangthou heem diing leh, gam man khenkhat iim diingin, bang diinga setan in na lungsim sudim ahiai?

GALATIATE 1:14

Huleh ka pulepate thugousiah a phatuam ka ngaih diahkhol jiahin Judate biahdan lama zong ka chipihte laha ka khangual tampi kana khup hi.

TIMOTHI II 3:5

Pathian ngaihsah batna a nei diing va, hizongleh a silbawltheihna a tahsang sih diing uh; huchibangte chu nungheisan in.

TITA 1:15

Mi siangthou a diingin sil zousiah a siangthou hi; hizongleh mi bolhhoh leh gingloute a diingin bangmah a siang a um sih hi; a lungsim uleh a sialepha heetna nasan uh sianglou ahita hi.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.