LUKE 11:13 - Thuhun Thah (BSI)

¹³ Huchia nanguh migilou in bawn na tate uh sil hoih piah na taang na heet uleh, na Pa uh vaan a umin a ngentute kawmah Hagau Siangthou naah piah mahmah lou diing ahiai mah? a chi hi.

LUKE 11:13 Iomraidhean Croise

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

MATTHAI 5:45

Huchi'n na Pa uh vaan a um tate na hi thei diing uhi; ajiahchu ama’n migiloute leh mihoihte tungah a ni a suaahsah a, huleh midihtatte leh midihtatloute tungah zong guah a zusah hi.

MATTHAI 6:14

Mi a tatsualnate uh na ngaihdam uleh, na Pa uh vaan a um in zong nanguh ahung ngaidam diing hi.

MATTHAI 6:30

Huchi'n gam a hampa tunia hing a, zinga meikhuuh a paihluut diing bawn Pathian in a huchi zep leh, Aw nanguh gintawmte, ama’n, nanguh husangin ahung zeemzaw tham sih diai mah?

MATTHAI 6:32

(Ajiahchu hi silte zousiah Jentelte’n a hawl uhi), hi silte zousiah na mamoh uh chih na Pa uh vaan um in a he hi.

MATTHAI 7:11

Huchi ahihleh, nanguh migilou in bawn na tate uh sil hoih piahna taang na heet un chu, na Pa uh vaan a um in a kawma ngente sil hoih petham lou diing ahiai mah?

LUKE 11:12

Ahihlouhleh aahtui ngen leh mom-ai a pe diai mah?

LUKE 11:2

Ama’n a kawmvah, Na haamtei chiangun, Ka Pa uh vaan a um, Na min kizahtaat heh. Na gam hung tung heh. Na deihzawng vaan a, a kibawl bangin, lei ah zong kibawl heh.

LUKE 18:7

A tungvah jaidoh sawt zong mahleh a miteelte, suun leh jana amah koutute phuba chu Pathian in laahsah lou diing ahiai mah?

JOHN 4:10

Jesu’n a dawng a, a kawmah, Pathian silthawnpiah leh, na kawma, dawn diing hung pia in, chipa koi ahiai chih helechin zaw nang a kawma ngen diing china, ama’n tuihing hung pe diing hiveen, a chi a.

SILBAWLTE 2:38

Huin, Peter in a kawmvah, Kisiih in lunghei unla, na sual uh ngaihdam a hihna diingin Jesu Khrist min in baptisma tang chiat un, huchi'n Hagau Siangthou silpiah na tang diing uhi.

ROMETE 5:17

Ajiahchu mi khat giitlouh jiaha sihna in hu mi khat jiah mah a thuneitah a a um ngal inchu, hehpihna nasatah leh, dihtatna silthawnpiah mute’n mi khat, Jesu Khrist jiahin hinna ah vai a hawm ngei diing uhi.

ROMETE 7:18

Bang jiahin ahiai i chih leh keimah ah (chih chu, ka tahsa ah,) sil hoih mawngmawng a teeng sih chih ka he hi; a bawl utna pen chu keimah ah a um a; hizongleh hu a hoih bawl theihna ka mu sih hi.

ROMETE 8:32

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

TITA 3:3

Ajiahchu eite ngei zong malaiin mingolte, thumangloute, heema umte, utna leh nopna chituamtuam bawlte, gilou leh thangse zing a umte, kihdahhuaite, huleh khat leh khat kimudahte i na hi uhi.