LUKE 10:42 - Thuhun Thah (BSI)

⁴² Hizongleh sil khat chauh a poimoh hi. Mari in tan hoih a teelta a, huchu laahsah louh diing ahi, a chi hi.

LUKE 10:42 Iomraidhean Croise

MARK 8:36

Bang jiahin ahiai i chih leh mi’n khovel a pum in nei henla, amah hinna taan ngal leh bang a phatuam diai?

LUKE 10:39

Huleh amahnu’n Mari kichi sanggamnu khat a neia, amah chu Jesu keeng bulaha tou a, a thusoi a ngai hi.

LUKE 11:1

Huleh hichi ahung hi a, mun khata a haamtei laiin, a haamtei zohin a nungjuite khat in a kawmah, Lalpa, John in a nungjuite a hilh bangin haamtei daan hung hilh in, a chi a.

LUKE 12:20

Hizongleh Pathian in a kawmah, Nang mingol, tujan leh na hinna hung kilaahsah diing ahi; hu na sil kholkhawmte koi a diing ahita diai? a chi a.

LUKE 12:33

Na neih pouh uh zuah unla, migentheite kawmah pia un; vaan ah guta chiah louhna leh, leikha neehsiat louhna ah, dangka ip lui thei lou leh gou sethei lou kikhol zaw un.

LUKE 16:2

Huin amah chu a kou a a kawmah, Na tung thu ka jah hi bangchi ahiai? na sumkol hisaap hung pia in; ajiahchu tukalsiah sumkola pang nawn lou diing na hi, a chi a.

LUKE 16:25

Hizongleh Abraham in, Tapa, nangma’n na dam laiin sil hoihte na kimuh a, huchibangin Lazar in sil hoihloute a mu chih geeldoh in; hizongleh tu’n chu amah hamuanin a um a, nang gimthuaahsah in na um ahi,

LUKE 18:22

Jesu’n hi thute a jah tahin, a kawmah, Sil khat na sam nalai hi, na neih zousiah zuah inla mi zawngte kawmah hawmin, huchi'n vaan ah gou na nei diing; huleh hung inla, hung jui in, a chi a.

LUKE 8:18

Hujiahin bangchi'n ahiai na jah uh pilvaangun; ajiahchu koi hizongleh a nei chu piahbeh ahi diing a, huleh koi hizongleh a nei lou chu neia a kingaih nasan laahsah ahi diing hi, a chi hi.

JOHN 11:1

Huleh mi khat, Mari leh a sanggamnu Martha teenna khua Bethani khua a um, a min Lazar kichi a chi na a.

JOHN 11:19

Huleh Judate tampi Martha leh Mari kawmah a hung va; a sanggampa uh sih na tunga amahuh hehnem diingin.

JOHN 12:3

Huin Mari in Spiknard thau namtui man tamtah buuh kimkhat ahung tawi a, Jesu keeng a nuh a, a sam in a keengte a siaah a, huleh thau gimin inn chu a dimta hi.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 4:14

Hizongleh ke’n a kawma ka piah diing tui dawn photmah chu bangchih tanin a dangtaah sih diing uh; a kawmva ka piah diing tui chu a sung vah tuitohdoh in ahung um diing a, kumtuang hinna phain a kikhohdoh diing, a chi a.

JOHN 5:24

Chihtahzetin chihtahzetin ka hung hilh ahi, Koipouh ka thu ja a, ahung sawlpa gingta in kumtuang hinna a neita; siamlouhtangin a um sih diing a, hizongleh sihna apat hinna ah a luut zawta ahi.

JOHN 6:27

An mangthang diing mai hawlin phephe sih unla, kumtuang hinna dong a um zing diing an, mihing Tapa in ahung piah diing hawlin phe zaw un; ajiahchu Pa Pathian in amah a chiamchihta hi, a chi a.

KORINTHTE I 13:3

Huleh ka neih zousiah migentheite vaahna diingin peveh in, huleh ka sapum haaltum diingin pe ngam mah zong leng, lungsiatna ka neih louh inchu bangmah a phatuam sih hi.

GALATIATE 5:6

Bang jiahin ahiai i chihleh Jesu Khrist ah zehtan bangmah a phatuam sih a, zehtan louh zong bangmah a phatuam sih hi; lungsiatna a tong ginna chu a phatuam hi.