LUKE 10:40 - Thuhun Thah (BSI)

⁴⁰ Hizongleh Martha chu neehbawl in a buai mahmah a, Jesu kawmah a hung a, Lalpa, ka sanggamnu’n kei chauh neehbawl a ahung set khawhsa lou na hiaimah? hung huh diingin sawlin, a chi a.

LUKE 10:40 Iomraidhean Croise

MATTHAI 14:15

Huleh nitaahlam ahung hihin, a nungjuite a kawmah a hung va, Hi mun gamgaw ahi a, huleh ni la a vaigeita a; khuate a chiah a, neeh diing a va lei theihna diingun mipite sawlkheta in, a chi va.

MATTHAI 16:22

Huin Peter in amah a puituam a, Lalpa, hih in hung gamlaat heh; na tungah a tung hial sih diing, chi'n a taihilh a.

MARK 3:21

Huleh a lawmte’n hichu a jahun, A ngol ahita, chi'n amah mat tum in a pawt uhi.

LUKE 10:38

Huleh hichi ahung hi a, a chiah laiun khua khatah a luut a; numei khat a min Martha in a inn ah a tungsah a.

LUKE 10:41

Jesu’n a dawng a, a kawmah, Martha, Martha, sil tampi na ngaihtuaha buai na hi;

LUKE 12:29

Huleh na neeh diing uh aha, na dawn diing uh aha hawl sih un; ginlahna lungsim nei in zong um sih un.

LUKE 9:55

Hizongleh amah chu a kihei a, amahuh a tai a, Bangchibang lungsim po mi na hih uh kihe lou na hi uh,

JOHN 11:1

Huleh mi khat, Mari leh a sanggamnu Martha teenna khua Bethani khua a um, a min Lazar kichi a chi na a.

JOHN 11:5

Jesu’n Martha leh a sanggamnu leh Lazar a lungsiat hi.

JOHN 12:2

Hutah ah amah diingin nitaah an a bawl a; Martha in neeh a bawl a, hizongleh Lazar chu amah toh a ankuang uumpihte laha khat ahi.

JOHN 6:27

An mangthang diing mai hawlin phephe sih unla, kumtuang hinna dong a um zing diing an, mihing Tapa in ahung piah diing hawlin phe zaw un; ajiahchu Pa Pathian in amah a chiamchihta hi, a chi a.