LUKE 10:22 - Thuhun Thah (BSI)

²² Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

LUKE 10:22 Iomraidhean Croise

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

JOHN 1:18

Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 10:15

Pain kei ahung heet bangin ke'n zong Pa ka he hi; huleh belaamte diingin ka hinna ka pia hi.

JOHN 13:3

Jesu’n Pain sil bangkim a khutah a peta chih leh, Pathian a kipana hunga, Pathian kawma chiah kiit diing a hihdan he in,

JOHN 17:10

Sil zousiah keia photmah nanga ahi a, nanga zousiah keia ahi; huleh amah vah paahtawi in ka um hi.

JOHN 17:2

Huchia nangma’n a kawma na piah photmahte kumtuang hinna a piah theihna diing a mi zousiah tunga thuneihna na piah bangin.

JOHN 17:26

Huleh a kawmvah na min ka hesahta a, ka hesah jel diing; keimah na hung lungsiatna a kawmva a um theihna diing leh, kei amah va ka um theihna diingin, a chi hi.

JOHN 17:5

Tuin Aw Pa, khovel um ma a na kawma ka neih paahtawina in nangmah kawm ngeiah hung paahtawi in.

JOHN 3:35

Pain Tapa a lungsiat a, a khutah sil zousi ah a peta hi.

KORINTHTE I 15:24

Huzohchiangin a tawp ahung tung diing, hu hun chiangin vaihawmna zousiah leh thuneihna leh silbawltheihna zousiah sumangin Pathian, Pa kawm ngeiah lalgam chu a peta diing hi.

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

EPHESITE 1:21

Lalnate leh silbawltheihnate leh, haatnate leh, vaihawmnate leh, hi khovel chauh hilou a khovel hung tung diing a zong min kiphuaah zousiah tunglam peha a tousah lai a Khrist a, a bawl chu.

HEBRAITE 2:8

Sil zousiah a thuthu a um diingin a keeng nuaiah na koihta hi, chi'n ana hesahta hi. Ajiahchu sil zousiah a thuthu a um diing a, a nuai a, a koih jiahin, a nuai a, a koih louh bangmah a um sih hi hizongleh tu inchu sil zousiah a nuai a kikoih in i mu nai tadih sih hi.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.

JOHN II 1:9

Mi koipouh daan bohsia leh, Khrist thuhilhna daan a um zing louin Pathian a nei sih hi, Khrist thuhilhna daan a um zing mi’n chu Pa leh Tapa a nih in a neikhawm hi.