LUKE 10:11 - Thuhun Thah (BSI)

¹¹ Na kho leivui uh ka keengpeeh va baang nasan na tungvah ka taatsiang uh; ahihvangin Pathian gam na kawmvah ahung tungta chih he un, chi un.

LUKE 10:11 Iomraidhean Croise

MATTHAI 10:14

Huleh koipouh nanguh hung kipaahpih lou a, na thute uh ngaikhe lou chu, hu inn aha, hu khua aha apat na pawt chiangun na keeng va leivui thingkhia un.

MATTHAI 10:7

Huleh na chiah kawmun, Vaan lalgam a naita hi, chi’n soi jel un.

MATTHAI 3:2

Kisiih un; ajiahchu vaan lalgam a naita hi, chia soi in.

MARK 6:11

Huleh koi hizongleh ahung tunsah louh va, na thu u’zong a ngaihkhiah louh uleh hu apat na pawt chiangun amah uh heetsahna diingin na keengtaw va leivui thingkhia un. Chihtahzetin ka hung hilh ahi, Vaihawmni chiangin hu khua thuaah diing sangin Sodom leh Gommorrah thuaah chu a dan a um zaw diing, a chi a.

LUKE 10:10

Hizongleh khua na luutna phot vah ahung na kipaahpih louh uleh a kho kotzingah chiah unla,

LUKE 10:9

Hu a damlou umte chu sudam unla, a kawmvah, Pathian gam na kawmvah ahung tungta, chi jel un.

LUKE 9:5

Huleh ahung kipaahpih lou photmah chu hu khopia kipan a na chiahdoh chiangun amahuh heetsahna diingin na keengpeeh va leivui tatkhia un, a chi a.

SILBAWLTE 13:26

Mite leh unaute, Abraham suan tate haw, huleh na lahva Pathian laudan siam zousiah haw, na kawmvah hi hutdamna thu hung kihaah ahi.

SILBAWLTE 13:40

Hujiahin pilvaang un, huchilouin zaw zawlneite lehkhabu a hu thu kisoi na tungvah ahung tungkha diing hi.

SILBAWLTE 13:46

Huin Paul leh Barnaba in haangsantahin a soi va, Pathian thu hi nanguh kawma soi masat diing mawng ahi a; hizongleh, na nial va, kumtuanga hing taahlou a na kiguat nungun he un, Jentelte lam ka ngatta uh ahi.

SILBAWLTE 13:51

Huin amahun a tungvah a keengpeeh va leivui a thingkhia va, Ikonium khua ah a chiahta uhi.

ROMETE 10:21

Hizongleh Israelte kawmah chu, Mi thumangloute leh nialhaatte diingin suun nitum in ka baan ka jah hi, chi'n a soi hi.

ROMETE 10:8

Hizongleh bang ahiai a soi? Thu in ahung naih hi, na kam leh na lungtang ah a um hi; huchu ginna thu ka soi uh chu ahi.

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.